नेपाल र भारतवीच अहिलेसम्म भएका सबै असमान भनिएका सन्धी सम्झौताहरु पुनरावलोकन गर्ने सहमति भएको छ ।
नेपाल भारत प्रबुद्ध समूहको आज सम्पन्न दुई दिने बैठकमा दुई मुलुकको सम्बन्धमा लामो समयदेखि मतभेदको रुपमा रहँदै आएका सबै विषयहरुमा छलफल भएको र सबै त्यस्ता सन्धीहरु पुनरावलोकन वा खारेजीको लागि सम्बन्धित सरकार समक्ष सिफारिस गर्ने निर्णय भएको समूहका नेपाली संयोजक डा. भेषबहादुर थापाले जानकारी दिए ।
उनका अनुसार बैठकमा दुई मुलुकवीचका सम्बन्धका आयामहरु जलस्रोत, सुरक्षा, सामाजिक, सास्कृतिक, आर्थिक सहित सबै विषयहरुमा छलफल गरेर अर्को बैठकमा ठोस निष्कर्स निकाल्ने सहमति पनि भएको छ । त्यसैगरी समूहको बैठक प्रत्येक तीन तीन महिनामा एक पटक बस्ने र दोस्रो बैठक नयाँ दिल्लीमा गर्ने सहमति पनि भएको छ ।
अर्को बैठक नबसुन्जेलसम्म दुबै देशका सरकार प्रमुख तहमा अहिले उठेका विषयमा छलफल गरेर अर्को बैठकमा ठोस एजेण्डा तय गर्ने गरी समेत सहमति भएको छ ।
समूहका भारतीय संयोजक भगतसिंह कोसियारीले भारतीय प्रधानमन्त्री नरेन्द्र मोदीले नेपाल भारतवीचको सन् १९५० को शान्ति तथा मैत्रि सन्धी खारेज गर्न वा समयानुकुल परिमार्जन गर्न दिएको म्याण्डेड अनुसार अपाmूहरु नेपालको प्रस्ताव अनुसार दुबै विषयमा तयार रहेको जानकारी दिदै नेपालको संविधान र राजनीतिक विषयमा छलफल गर्ने म्याण्डेड नभएकोले त्यो विषयमा प्रवेश गरेपनि खासै छलफल नभएको बताए ।
समूहका भारतीय सदस्य जयन्त प्रसादले सन् १९५० को नेपाल भारत शान्ति तथा मैत्रि सन्धीमा नेपाली पक्षले चाहे अनुसारको खारेजी वा पुनरावलोकन गर्न तयार रहेको भन्दै त्यसमा भारतको कुनै रिर्जभेसन नरहेको स्पष्टपारे ।
अर्का सदस्य महेन्द्र पी लामाले नेपाल भारतवीचको सीमा समस्याको दिर्घकालिन समाधान गर्ने उद्देश्यसहित लिपुलेक देखि कालापानी र सुस्तादेखि महेशपुरसम्मको सीमा विवादमा छलफल भएको जानकारी दिए ।