शशांकको स्वास्थ्य खतरामुक्त भएपछि भेन्टिलेटरबाट निकालियो

स्वास्थ्यमा गंभिर समस्या आएपछि उपचारका लागि ओम अस्पतालमा भर्ना गरिएका नेपाली कांग्रेसका महामन्त्री शशांक कोइरालाको स्वास्थ्य अवस्थामा सुधार आएको छ । उनलाई अहिले भेन्टिलेटर बाहिर झिकिएको अस्पतालले जनाएको छ ।
चिकित्सकहरुले कोइरालाको स्वास्थ्य स्थिति अहिले खतरामुक्त रहेकोले उनलाई भेन्टिलेटरबाट बाहिर झिकेर उपचार गरिरहेको जनाएका छन । कोइरालाले राती आफ्नी श्रीमति सुपात्रा कोइरालालाई हेरेर आशु खसालेको कुरा बाहिर आएको थियो । त्यसपछि कोइरालाको स्वास्थ्य अवस्थामा सुधार आएको अनुमान गर्न थालिएको थियो । यसअघि कोइराला ईन्तु न चिन्तको अवस्थामा अचेत रुपमा भेन्टिलेटरमा रहेका थिए । उनको स्वासप्रस्वास समेत भेन्टिलेटरबाट गराईएको थियो ।