मेष राशि–
अत्यधिक कामले मन भारी हुन सक्छ, त्यसैले ध्यान, मेडिटेशन वा योग अभ्यास गर्नु लाभदायी हुनेछ । हतारमा गरिएको निर्णय प्रायः गलत हुन्छ, त्यसैले संयमता अपनाउनु आजको प्रमुख आवश्यकता हो । विगतको सानो कमजोरी वा गोपनीयता बाहिरिनुले मानसिक तनाव सिर्जना गर्न सक्छ ।
वृष राशि–
आज परिवार र पार्टनरबीच सन्तुलन मिलाउन चुनौतीपूर्ण समय हुन सक्छ । तर साथीभाइ, भेटघाट वा मनोरञ्जनका अवसरहरू मिल्नेछन् । कुनै महत्वपूर्ण निर्णयमा अड्किनु वा दोधारमा नपर्नु उत्तम हुन्छ । कामधन्दा हिजो अस्ति जस्तै फलदायी रहला, तर परिवारिक जिम्मेवारीले केही समय बाधा पुर्याउन सक्छ।
मिथुन राशि–
दैनिक कामहरू सजिलै सम्पन्न हुनेछन् र तपाईंको प्रतिष्ठा बढ्ने समय हो । स्वास्थ्य र आहार प्रति ध्यान दिनु लाभदायी हुनेछ । झगडा वा कलहबाट टाढा रहनु उपयुक्त हुन्छ । चुनौती वा परीक्षाहरूको सामना गर्न सकिनेछ, र प्रतिस्पर्धाबाट उचाइमा पुग्ने अवसर प्राप्त हुनेछ । तर अनावश्यक बहस वा विवादमा नफँसिनु नै बुद्धिमानी हुनेछ ।
कर्कट राशि–
आज व्यक्तित्व विकासमा ध्यान दिन सकिने समय हो । आफ्नो लक्ष्य प्राप्त गर्नको लागि प्रयास गर्नुहोस्, अध्ययन वा तालिममा नयाँ अवसर आउन सक्छ । पार्टनरसँग खुला संवादले सम्बन्ध बलियो बनाउनेछ । धन कमाउने क्रममा जोखिम नलिनु उचित हुन्छ । मानसिक शान्ति र सकारात्मक दृष्टिकोणले दिन सफल बन्नेछ ।
सिंह राशि–
व्यवसायमा नयाँ सोच र रणनीतिले आम्दानी बढाउने सम्भावना छ । घरायसी जिम्मेवारीमा समय कम पर्ला । परिवारका सदस्यहरूले खिन्नता देखाउन सक्छन् । अध्ययन र मेहनतले राम्रो नतिजा दिनेछ, तर इन्टरनेट वा खेलकुदमा समय बिताउने बानीले पढाइमा बाधा आउन सक्छ । आजको दिन सोचबिचारपूर्वक कार्य गर्नुपर्छ ।
कन्या राशि–
आज मान्यजनसँग सम्बन्ध बलियो हुनेछ र उनीहरूलाई सम्मान दिनु आवश्यक छ । दाजुभाइ वा माइतीपक्षसँग भेटघाट र भलाकुसारीले मन प्रसन्न रहला । मेहनतले नतिजा दिने समय हो र सोचेको उपलब्धि प्राप्त गर्दा आत्म सम्मानमा बृद्धि हुनेछ । आफ्नो आन्तरिक शक्ति र मानसिक क्षमताको सदुपयोग गर्नु लाभदायी हुनेछ ।
तुला राशि–
आज नयाँ व्यक्तिसँग भेटघाटले जीवन उज्यालो बनाउन सक्छ । धनको कारोबारमा जोखिम कम गर्नु लाभदायी हुनेछ । कुनै करार वा समझौतामा अघि बढ्नु अघि राम्ररी अध्ययन गर्नुहोस् । अड्किएको वा लगानीमा रहेको धनको प्रतिफल प्राप्त गर्ने समय हो । आर्थिक हिसाब मिलाउने अवसर पनि मिल्नेछ ।
वृश्चिक राशि–
आफ्नो रुचि र क्षमता अनुसार अघि बढ्न सकिने अवसरहरू प्राप्त हुनेछन् । नेतृत्व र व्यवस्थापन कौशल प्रदर्शन गर्ने समय छ । नयाँ जिम्मेवारी वा पदभार ग्रहण गर्ने अवसर मिल्नेछ । सहकर्मीहरूसँग व्यवहारिक रहनु लाभदायी हुनेछ, र दीर्घकालीन योजना निर्माणमा ध्यान दिनु राम्रो छ।
धनु राशि–
आज कल्पना र भावनामा केन्द्रित रहनु पर्ने दिन हो । घर परिवार वा छरछिमेकीका साना जिम्मेवारीले समय लिन सक्छ । आर्थिक कारोबारमा सतर्क रहनु लाभदायी छ । पुराना समस्या समाधान गर्ने र लाभदायी काममा सक्रिय रहन सकिने समय छ ।
मकर राशि–
आम्दानीका स्रोत बढ्ने र दीर्घकालीन लाभ हुने काम सुरु गर्न सकिनेछ । प्रशासनिक वा नयाँ प्रस्तावमा विचार(विमर्श लाभदायी हुनेछ । व्यक्तिगत प्रतिष्ठा र पारिवारिक उन्नतिको लागि महत्वपूर्ण कामको शुभारम्भ हुनेछ । खर्चमा कटौती गर्दा पनि लगानी लाभदायी रहला ।
कुम्भ राशि–
विशेष कामले फाइदा दिलाउनेछ । साथी वा आत्मीयजनको स्वास्थ्यले चिन्ता बढाउन सक्छ । आफ्नो काममा तन्मय भएर लाभ उठाउन सकिने समय हो । लेनदेन, सार्वजनिक वा सरकारी काममार्फत फाइदा मिल्नेछ । घरायसी रमझम र कामधाम दुवै व्यस्त रहला ।
मीन राशि–
समस्या पहिचानभन्दा समाधानमा ध्यान दिनु लाभदायी छ । प्रयास र भाग्यले उपलब्धि दिलाउनेछ । लामो समयदेखि रोकिएका कामलाई जुनियर स्टाफको सहयोग लिएर पुन: सुरु गर्न सकिन्छ । घर परिवार र अभिभावकसँग सम्बन्ध महत्वपूर्ण रहला । भावनालाई नियन्त्रण गर्दै संवाद गर्नु लाभदायी हुनेछ ।
