काठमाडौँ । चलचित्र पत्रकारितामा सक्रिय पत्रकार दिनेस  सिटौलाको ४३ वर्षको  उमेरमा निधन भएको  छ । एन्युरिज्म एप्चरका कारण गम्भीर  अवस्थामा रहेका सिटौलालाई  ग्रान्डी अस्पतालमा भेन्टिलेटरमा राखेर उपचार  गरिदै थियो,जहाँ आज  दिउँसो १२ः४५ बजे चिकित्सकले  मृत घोषणा गरेका हुन ।

कामको  सिलसिलामा अछाम पुगेका दिनेस अचानक अचेत भएपछि उनलाई  काठमाडौँ ल्याइएको  थियो । चलचित्र पत्रकार संघका  पुर्व अध्यक्ष रहेका सिटौलाले सयौँ चलचित्रको प्रचार–प्रसारमा ठुलो  योगदान दिएका थिए । अविवाहित रहेका सिटौलाको  आजै  पशुपति आर्यघाटमा अन्त्येष्टि गरिने  तयारी गरिएको   छ ।