बाढीका कारण बस फस्दा पूर्व पश्चीम राजमार्ग अवरुद्ध

रोशन पोखरेल, राैतहट

वर्षा पछि आएको बाढीका कारण पूर्व पश्चीम राजमार्ग को बाग्मती पौराई सडकखण्डमा यातायात अवरुद्ध भएको छ । राजमार्ग अन्र्तगत रौतहटको चन्द्रनिगाहपुर बागमती सडक खण्डको पौराइ जंगलमा रहेको दुइवटा लच्कामा बाढी आउदा गए राति देखि नै सवारी साधन रोकिएका छन । लच्कामा पानीको बहाव उच्च भए पछि सो क्षेत्रमा यातायातका साधन बन्द गरिएको हो । बाढी का कारण पश्चीम बाट पुर्व तर्फ जादै गरेको यात्रुबाहक बस फस्दा यात्रुहरु समेत जोखिममा परेका छन । लच्कामा फसेको एक बसका यात्रुहरुलाई निकाल्न सुरक्षाकर्मी परिचालन गरिएको जिल्ला प्रहरी कार्यालय रौतहटले जनाएको छ । पानीमा बसको आधि भाग डुबे पछि बसका यात्रुहरुले हातले इसारा गरेर उद्धारका आग्रह गरीरहेका छन । चन्द्रनिगाहपुर देखि पुर्वमा रहेको पहिलो लच्कामै बढी आएकाले बस फसेको दोश्रो लच्कामा उद्धार टोली पुग्न समस्या परि रहेको छ । उद्धार टोली यात्रु सहितको बस फसेको ठाउमा पुग्ने प्रयास भइ रहेको जिल्ला प्रहरी कार्यालयका प्रहरी नायब उपरिक्षक नविन कृष्ण भण्डारीले बताए । ३० जना भन्दा बढी यात्रुहरु रहेको सो बसको सिटमा उभिएर उद्धारका लागी यात्रुहरुले हातले इसारा गरि रहेका छन । बाढीले राजमार्ग बन्द हुदा पाच सय भन्दा बढी गाडीहरु रोकिएको छन । जंगल भएका कारण संचार संम्पर्क नभएकाले हजारौ यात्रुहरु थप समस्यामा छन । इलाका प्रहरी कार्यालय चन्द्रनिगाहपुर बाट प्रहरी निरीक्षक बिरेन्द्र पासवानको टोली बस फसेको ठाउमा पुगेपनि उद्धार सामाग्री नहुदा उद्धारमा ढिलाइ भइरहेको छ । अझै पनि पानी परीहेकाले राजमार्गमा बाढी घटेको छैन । रौतहटका प्रमुख जिल्ला अधिकारी नरहरी बरालले उद्धार सामाग्री सहित टोली पठाएको जानकारी दिएका छन ।