काठमाडौं, १४ असोज । युरोपियन क्लब फुटबलको दोस्रो ठूलो प्रतियोगिता युरोपा लिगअन्तर्गत बिहीबार राति भएको खेलमा इङ्लिस क्लब म्यानचेस्टर युनाईटेड विजयी भएको छ ।
अघिल्लो खेलमा नेदरल्याण्ड्सको फेयनुर्डसँग १–० ले पराजित म्यानचेस्टर युनाईटेडले गएराति भएको खेलमा भने युक्रेनको जोर्या लुहान्स्कलाई १–० ले नै हरायो । खेलमा म्यानचेस्टर युनाईटेडलाई विजयी गराउन ज्लातन ईब्राहिमोभिचले निर्णायक गोल गरे ।
युरोपा लिगअन्तर्गतको अर्को खेलमा साउथ ह्याम्पटनलाई ईजरायलको हपोईल बीर शेभाले गोलरहित बराबरीमा रोकेको छ ।
युरोपा लिग फुटबलका अन्य चर्चित खेलहरुमा टर्कीको फेनरबाचेले नेदरल्याण्ड्सको फेयनुर्डलाई १–० ले, रुसको जेनिथले नेदरल्याण्ड्सको अल्कमारलाई ५–० ले, स्पेनको एथ्लेटिक बिल्बाओले अष्ट्रियार्को यापिड भिएनालाई १–० ले, नेदरल्याण्ड्सको आयाक्सले बेल्जियमको स्ट्याण्डर्ड लेईजलाई १–० ले तथा जर्मनीको शाल्काले अष्ट्रियाको रेडबुल शाल्जबर्गलाई ३–१ ले हराएका छन् ।
युरोपा लिगका अन्य खेलहरुमा ईटालीको रोमा र फियोरेन्टिना, युक्रेनको शख्तर, स्पेनको सेल्टा भिगो, चेक गणतन्त्रको स्पार्टा प्राग र स्विट्जरल्याण्डको एफसी ज्युरिच विजयी भएका छन् ।
