काठमाडौँ । लामो समयदेखि प्रतीक्षामा रहेका स्मार्ट सवारी चालक अनुमतिपत्र (लाइसेन्स) सम्बन्धी महत्वपुर्ण प्रगति छपाइ प्रक्रिया सम्पन्न भएका लाइसेन्सहरु सम्बन्धित यातायात कार्यालयहरुमा पठाउन सुरु गरेको जनाएको छ ।
विभागद्धारा जारी सूचनाअनुसार अहिले छपाइ भइसकेका लाइसेन्सहरु तीव्र गतिमा विभिन्न कार्यलयहरुमा वितरण भइसकेको छ । यससँगै सेवाग्राहीहरुले अब आफ्नै सम्बन्धित कार्यालमा पुगेर लाइसेन्स प्राप्त गर्न सक्नेछन् ।
विभागले स्पष्ट पारेको छ कि चालकहरुले आफूले ट्रायल उतीर्ण गरेको वा नवीकरणका लागि आवेदन दिएको सोही कार्यालयबाट लाइसेन्स लिनुपर्नेछ । लामो समयदेखि लाइसेन्स नपाएर पर्खिरहेका सेवाग्राहीहरुका लागि यो सूचना राहतको विषय बनेको छ ।
