दीपेन्द्रको टी-२० वरियतामा सुधार, नेपाली खेलाडी को कति औं स्थानमा ?

काठमाडौं । नेपाली क्रिकेट टोलीका अलराउन्डर दीपेन्द्रसिंह ऐरीले वरीयता सुधार गरेका छन् । आईसीसीले ३० जुलाइमा अद्यावधिक गरेको विवरण अनुसार ऐरीले टी-२० अन्तर्राष्ट्रिय क्रिकेटको वरीयता एक स्थान सुधार गरेका हुन् ।

यसअघि आठौं स्थानमा रहेका ऐरी अब सातौं स्थानमा चढेका हुन् । अलराउन्डरतर्फ अष्ट्रेलियाका मार्कस स्टोयनिस पहिलो स्थानमा हुँदा जिम्बावेका सिकन्दर राजा दोस्रो र बंगलादेशका सकीब अल हसन तेस्रो स्थानमा रहेका छ ।

श्रीलंकाका वानिन्दु हसरंगा चौथो र अफगानिस्तानका मोहम्मद नाबी छैटौं स्थानमा छन् । टी-२० को ब्याटरको वरीयतामा पनि ऐरीले ५०२ अंकसहित एक स्थान सुधार गर्दै ४४ औं स्थानमा उक्लिएका छन् । ब्याटिङतर्फ नै कप्तान रोहित पौडेल ६० औं, आशिफ शेख ७१ औं स्थानमा छन् ।

ब्याटिङतर्फ पहिलो स्थानमा अष्ट्रेलियाका ट्राभिस हेड रहेका छन् । बलिङतर्फ सोमपाल कामी एक स्थान सुधार गर्दै ९३ औं स्थानमा आउँदा दीपेन्द्रसिंह ऐरी २ स्थान सुधार गर्दै ९७औं स्थानमा रहेका छन् ।