काठमाडौं । राजस्व अनुसन्धान विभागको महानिर्देशकमा झलकराम अधिकारी नियुक्त भएका छन् । अधिकारीले बुधबारदेखि नै जिम्मेवारी सम्हालेको जनाइएको छ ।

कर चुहावट र छलीका विषयमा अनुसन्धान गर्ने राजस्व अनुसन्धान विभाग एक महत्वपूर्ण र शक्तिशाली विभाग हो ।

प्रधानमन्त्री तथा मन्त्रिपरिषद कार्यालयले सहसचिव झलकराम अधिकारीलाई राजस्व अनुसन्धान विभागको महानिर्देशक नियुक्त गरेका हुन् । अधिकारीलाई सरकारले महानिर्देशक बनाउने तयारी गरेपछि निवर्तमान महानिर्देशक प्रकाश पौडेल सोमबार विभागबाट बिदा भएको जनाइएको छ । उनको संघीय मामिला तथा सामान्य प्रशासन मन्त्रालयमा सरूवा भएको छ ।

यसैगरी, महानिर्देशक अधिकारी राजस्व समूहमा लामो समयसम्म कार्यरत थिए । विगतमा उनले ठूला करदाता कार्यालयको प्रमुख तथा कर प्रशाशकको रुपमा काम समेत गरेका थिए ।