काठमाडौं । कजारिया रमेश टायल्स लिमिटेडले चितवनको रत्ननगरमा नयाँ शोरुम सञ्चालनमा ल्याउँदै बागमती प्रदेशमा आफ्नो व्यावसायिक उपस्थितिलाई थप विस्तार गरेको छ।
चितवन हार्डवेयर एण्ड सेनेटरीद्वारा सञ्चालित उक्त शोरुमले स्थानीय उपभोक्ता, आर्किटेक्ट तथा इन्टेरियर डिजाइनरहरूलाई विश्वस्तरीय वाल तथा फ्लोर टायल्सको बृहत् सङ्ग्रह उपलब्ध गराउने कम्पनीले जनाएको छ।
जेठ २४ गते आयोजित विशेष समारोहबीच शोरुमको औपचारिक उद्घाटन गरिएको थियो। उद्घाटन कार्यक्रममा कम्पनीका कन्ट्री म्यानेजर अभ्यास तिवारी र मिस नेपाल इन्टरनेशनल २०२५ उरुषा भण्डारीको प्रमुख उपस्थिति रहेको थियो। कार्यक्रममा कजारिया रमेश टायल्स लिमिटेडका प्रतिनिधिहरू तथा चितवन हार्डवेयर एण्ड सेनेटरीको व्यवस्थापन टोलीले स्थानीय बासिन्दाहरूलाई स्वागत गर्दै शोरुमको अवलोकन गराएका थिए।
ग्राहक–मैत्री तथा आधुनिक अवधारणामा डिजाइन गरिएको शोरुममा कजारियाका सिग्नेचर वाल र फ्लोर टायल्सका विभिन्न डिजाइन, टेक्स्चर तथा फिनिसिङहरू प्रत्यक्ष रूपमा अवलोकन गर्न सकिने व्यवस्था गरिएको छ। यसले ग्राहकहरूलाई आफ्नो घर, कार्यालय वा अन्य निर्माण परियोजनाका लागि उपयुक्त टायल्स छनोट गर्न सहज बनाउने कम्पनीको विश्वास छ।
उद्घाटन कार्यक्रममा बोल्दै कम्पनीका प्रतिनिधिले चितवन हार्डवेयर एण्ड सेनेटरीसँगको साझेदारीलाई प्रमुख सहरबाहिर पनि उच्च गुणस्तरीय टाइलिङ समाधान उपलब्ध गराउने दिशामा महत्वपूर्ण उपलब्धिका रूपमा व्याख्या गरे। उनका अनुसार चितवन तथा आसपासका क्षेत्रका ग्राहकहरूलाई कजारियाका गुणस्तरीय उत्पादन र आधुनिक डिजाइनमा सहज पहुँच प्रदान गर्नु कम्पनीको प्रमुख उद्देश्य हो।
हाल शोरुम पूर्ण रूपमा सञ्चालनमा आइसकेको कम्पनीले जनाएको छ। साथै, रत्ननगर तथा आसपासका क्षेत्रका उपभोक्तालाई शोरुम भ्रमण गरी नवीनतम टायल्स कलेक्सन अवलोकन गर्न कम्पनीले आग्रह गरेको छ।
