काठमाडौँ । एलजी इलेक्ट्रोनिक्सले आफ्नो आधिकारिक वितरक सीजी इलेक्ट्रोनिक्ससँगको सहकार्यमा नेपाली उपभोक्ताको आवश्यकता र जीवनशैलीलाई केन्द्रमा राखेर तयार गरिएको नयाँ घरेलु उपकरण शृंखला ‘एलजी एसेन्सियल सिरिज’ सार्वजनिक गरेको छ।
काठमाडौंस्थित विवान्ता काठमाडौंमा आयोजित विशेष कार्यक्रममा उक्त शृंखलाको औपचारिक अनावरण गरिएको हो। कार्यक्रममा कम्पनीले “हरेक घरको खुशी, घर–घरमा एलजी” अभियानअन्तर्गत ल्याइएको यस शृंखलाले आधुनिक प्रविधि, उत्कृष्ट कार्यक्षमता, टिकाउपन र किफायती मूल्यलाई एकैसाथ समेटेको जनाएको छ। नेपाली परिवारको दैनिक आवश्यकता तथा स्थानीय अवस्थालाई ध्यानमा राखेर डिजाइन गरिएका यी उत्पादनहरूले जीवनशैलीलाई अझ सहज बनाउने कम्पनीको विश्वास छ।
नयाँ शृंखलाअन्तर्गत नेपाली बजारका लागि विशेष रूपमा तयार पारिएको डबल ढोका भएको फ्रिज, पूर्ण स्वचालित माथिल्लो भागबाट लोड हुने वासिङ मेसिन तथा कोठा तताउने र चिस्याउने एयर कन्डिसनर समावेश छन्। सीजी ग्रुपका प्रबन्ध निर्देशक निर्वाण चौधरीले एलजी र सीजी इलेक्ट्रोनिक्सबीचको लामो सहकार्यलाई स्मरण गर्दै ‘एसेन्सियल सिरिज’ ले नेपाली उपभोक्ताका लागि नयाँ अवसर सिर्जना गर्ने विश्वास व्यक्त गरे।
त्यस्तै, एलजी इलेक्ट्रोनिक्सका गृह उपकरण समाधान विभागका उत्पादन निर्देशक चाङ्हो हानले नेपाली उपभोक्ताबाट प्राप्त सुझाव र आवश्यकताका आधारमा यो शृंखला विकास गरिएको जानकारी दिँदै यसले स्थानीय आवश्यकतालाई सम्बोधन गर्ने बताए। उनका अनुसार आधुनिक डिजाइन र भरपर्दो कार्यक्षमताको संयोजनले नेपाली परिवारको दैनिक जीवनलाई अझ सहज, सुविधाजनक र समृद्ध बनाउनेछ।
डबल ढोका फ्रिजमा चिस्यान स्वतः नियन्त्रण हुने सुविधा राखिएको छ, जसले म्यानुअल रूपमा बरफ हटाउनुपर्ने झन्झट हटाउँछ। मौसमअनुसार स्वचालित रूपमा सञ्चालन हुने मोडका साथै अघिल्ला मोडेलको तुलनामा करिब २० प्रतिशत बढी तरकारी भण्डारण क्षमता रहेको कम्पनीले जनाएको छ।
पूर्ण स्वचालित माथिल्लो भागबाट लोड हुने वासिङ मेसिन नेपालका विभिन्न वातावरणीय अवस्थालाई ध्यानमा राखेर डिजाइन गरिएको छ। यसमा मजबुत मोटर संरचना, सुरक्षित कभर तथा पानीको न्यून चापमा पनि प्रभावकारी रूपमा चल्ने प्रविधि समावेश गरिएको छ। त्यसैगरी, ऊर्जा–दक्ष एयर कन्डिसनरले प्रभावकारी रूपमा कोठा चिस्याउने तथा तताउने सुविधा प्रदान गर्नेछ। यसमा वातावरणमैत्री शीतलक ग्यास प्रयोग गरिएको छ भने कम ध्वनि उत्पन्न हुने विशेषताले प्रयोगकर्तालाई थप आरामदायी अनुभव दिने कम्पनीले जनाएको छ।
‘एलजी एसेन्सियल सिरिज’ का उत्पादनहरूको बिक्री वितरण नेपालभर सन् २०२६ को जुन महिनादेखि सुरु हुने बताइएको छ। प्रारम्भिक मोडेलको मूल्य करिब ४९ हजार ६ सय ९० रुपैयाँबाट सुरु हुने कम्पनीले जनाएको छ। उत्पादनहरू देशभरका आधिकारिक एलजी ब्रान्ड शोरूम, बहु–ब्रान्ड खुद्रा पसल तथा प्रमुख अनलाइन प्लेटफर्ममार्फत उपलब्ध हुनेछन्।
सीजी इलेक्ट्रोनिक्सबारे
सीजी इलेक्ट्रोनिक्स, सीजी कर्प ग्लोबल अन्तर्गतको संस्था हो, जसले एलजी उत्पादनहरूको नेपालका लागि आधिकारिक वितरण गर्दै आएको छ। लामो सहकार्यमार्फत यस कम्पनीले एलजीलाई नेपालको अग्रणी उपभोक्ता इलेक्ट्रोनिक्स ब्रान्डका रूपमा स्थापित गर्न महत्वपूर्ण भूमिका खेलेको छ।
एलजी इलेक्ट्रोनिक्सबारे
एलजी इलेक्ट्रोनिक्स विश्वव्यापी रूपमा घरेलु उपकरण, उपभोक्ता इलेक्ट्रोनिक्स तथा एयर सोलुसन क्षेत्रमा अग्रणी कम्पनी हो। नवीन प्रविधि, ऊर्जा दक्ष उत्पादन तथा ग्राहक केन्द्रित डिजाइनका कारण कम्पनीले विश्वभरका उपभोक्तालाई दैनिक जीवन सहज बनाउने समाधान प्रदान गर्दै आएको छ।
