सुनको मूल्य प्रतितोला एक हजार रुपैयाँले घट्यो, कतिमा हुँदैछ कारोबार ?

काठमाडौं । नेपाली बजारमा आज सुनको मूल्य प्रतितोला एक हजार रुपैयाँले घटेको छ। नेपाल सुनचाँदी व्यवसायी महासंघका अनुसार छापावाल सुन प्रतितोला २ लाख ८३ हजार २ सय रुपैयाँमा कारोबार भइरहेको छ। मंगलबार छापावाल सुन प्रतितोला रु दुई लाख ८४ हजार २ सय रुपैयाँमा कारोबार भएको थियो ।

महासंघका अनुसार आज १० ग्राम सुनको मूल्य २ लाख ४२ हजार ८ सय रुपैयाँ कायम भएको छ। यता, चाँदीको मूल्य भने सामान्य वृद्धि भएको छ। आज चाँदी प्रतितोला १० रुपैयाँले बढेर ४ हजार ३ सय २० रुपैयाँ मा कारोबार भइरहेको महासंघले जनाएको छ। मंगलबार चाँदी प्रतितोला रु चार हजार ३ सय १० रुपैयाँमा कारोबार भएको थियो ।