सरकारको निःशुल्क एआई तालिम कार्यक्रम,दुई हजार युवाले घरबाटै सीप सिक्न पाउने

काठमाडौँ । सरकारले नेपालमा एआई प्रविधिको प्रयोग र त्यससम्बन्धि सीप विकासलाई प्रत्साहन गर्ने उद्धेश्यले दुई संस्थासँगको सहकार्यमा अनलाइनमार्फत यस्ता अवसर उपलब्ध गराउन लागेको छ । राष्ट्रिय व्यवसायीक प्रशिक्षण प्रतिष्ठानले पनिजी क्षेत्रका दई संस्थासँगको सहकार्यमा अनलाइनमार्फत यस्तो अवसर उपलब्ध गराउन लागेको जनाइएको छ ।

तालिमममा सहभागीहरुले च्याटजीपीटी,क्लाउड जस्ता एआई उपकरणलाई दैनिक काम तथा विभिन्न व्यवहारिक प्रायोजनमा कसरी उपयोग गर्ने भन्नेबारे सिक्न पाउनेछन् । त्यस्तैगरी एआईबाट प्रभावकारी नतिजा प्राप्त गर्न आवश्यक प्रम्प्ट लेखनसम्बन्धी सीपसमेत प्रदान गरिनेछ । आईएनजी ग्रुप र ज्ञान बजार अनलाइन प्रा.लि.को सहकार्यमा सञ्चालन हुने तालिम कात्तिक १८ र १९ गते आयोजना हुनेछ । बिहान र साँझका दुई समय गरी प्रत्यके दिन दुईवटा सत्र सञ्चालन गरिने छ । यसरी चार सत्रमा कुल दुई हजार जनालाई सहभागी गराउने योजना छ । प्रत्येक सत्रमा ५०० जनाका लागि स्थान छुट्याइएको छ । इच्छुक युवाले आफुलाई उपयुक्त हुने एउटा सत्र छनोट गरी गरी अनलाइन आवेदनमार्फत तालिममा सहभागी हुन सक्नेछन् ।