काठमाडौ, जेठ १३- राजधानीका आइतबार भएका शृखंलाबद्ध बम विस्फोट पछि सरकारले राजधानीको सुरक्षा व्यवस्था कडा पारेको छ। राजधानीको तीन स्थानमा भएका बम विस्फोटमा चार जनाको ज्यान जानुका साथै ८ जना घाइते भएका छन ।
शृखंलाबद्ध बम विस्फोट पछि सरकारले तीनै सुरक्षा प्रमुखहरुसहित बसेको बैठकमा आइतबार साँझ गृहमन्त्री रामबहादुर थापा बादलले हाइ अलर्टमा बस्न सुरक्षा निकायलाई निर्देशन दिएका छन् ।
भोजपुरको टेम्केमैयुङ्ग गाउँपालिका–२ स्थित मैयुङ्ग क्षेत्रको धोद्रे जङ्गलमा प्रहरीको गोली लागेर घाइते षडानन्द नगरपालिका –२ कुदाककाउलेका ३२ वर्षीय तीर्थराज घिमिरेको मृत्यु भएको थियो । आफ्ना कार्यकर्ता सुरक्षा निकायद्वारा मारिएपछि आक्रोशित बनेको विप्लव समूहले आज (सोमबार)का लागि आयोजना गरेको बन्दलगायतका कार्यक्रमको अघिल्लो दिन आइतबार विस्फोट गराएको हो ।
उक्त विरोधमा बन्द गरेको विप्लब समूहले बन्दको अवज्ञा गरे जनकारबाही गर्ने धम्की पूर्णृपर्चा छर्दै हिडेको छ । जिल्ला-जिल्लामा डरत्रासको भरमा बन्द हुनेभएपनि उपत्यकामा भने बन्द कहिले नै सफल हुन सकेको छैन् । उपत्यकामा पनि बन्द सफल गराउन धम्कीपूर्ण जुक्ति निकालेको उपत्यका विशेष ब्युरोले पर्चा मार्फत नै धम्कीपूर्ण शब्दहरु प्रयोग गरेको छ ।
बन्दका लागि सुरक्षाकर्मीले जनशक्ति थप गर्नुका साथै हाइ अलर्टमा रहेको उपत्यकाका सुरक्षा निकाय प्रमुखले जानकारी दिएका छन् । बन्द असफल पार्न सुरक्षा निकाय हाइ अलर्टमा रहेको पनि सुरक्षा निकाय प्रमुखले जानकारी दिए।
