काठमाडौंको आकाश केहि दिन यता किन धुम्मियो ?

काठमाडौं । काठमाडौं उपत्यकाको आकाश केही दिन यता केही धुम्मिएको छ । प्रि–मनसुनी गतिविधि तथा स्थानीय र पश्चिमी वायुको प्रभावका कारण बदली भएको मौसमविदले बताएका छन् । यस्तै बदलीसँगै पश्चिमी वायुले मरुभूमिबाट उडाएर ल्याएको धुलोका कणका कारण पनि काठमाडौंसहितका क्षेत्रको वायुमा केही धुलोको मात्रा देखिएको मौसमविदले बताए । तर वायुमा धुलोको मात्रा अत्याधिक भने नरहेको उनीहरुको भनाई छ ।

सामान्य अवस्थामा पश्चिमी वायुको प्रभाव रहँदा वायुमण्डलमा सीमित मात्रामा धुलोका करणहरु हुने मौसमविद बताउँछन् । यस्तै अहिले पनि बिहानको समयमा सीमित मात्रामा हुस्सु पनि लाग्ने क्रम जारी रहेको मौसमविदको भनाई छ । आइक्यूएअरको तथ्यांक अनुसार हाल काठमाडौंको वायु संवेदनशील समूहका व्यक्तिहरुका लागि अस्वस्थकर रहेको छ ।