महँगीविरुद्ध सडकमा प्रदर्शन गर्दै राप्रपा..

काठमाडौं । राष्ट्रिय प्रजातन्त्र पार्टी (राप्रपा)ले महँगी नियन्त्रणका लागि सरकारको कुनै पहल नभएको भन्दै सडकमा थाल ठटाएर प्रदर्शन गरेको छ ।

राप्रपा निकट राष्ट्रिय प्रजातान्त्रिक महिला संगठनले संघीय राजधानी काठमाडौंसहित देशभरका जिल्ला सदरमुकाममा महंगीविरुद्ध सरकारको ध्यानाकर्षण नभएको भन्दै थाल ठटाएर विरोध प्रदर्शन गरेको थियो । संगठनले अब पनि महँगी नियन्त्रणमा सरकारले काम नगरे आन्दोलन गर्ने चेतावनी दिएको छ ।

राप्रपाले आज दोस्रो चरणको आन्दोलन सुरु गरेको हो । उपस्थित एक प्रदर्शनकारीले भनिन्, ‘हाम्रो दोस्रो चरणको आन्दोलन पनि सुनुवाइ भएन भने तेस्रो चरणको आन्दोलन भदौको पहलो हप्तामा सुरु गर्नेछौं ।’