संसदमा आज एसपीपीबारे परराष्ट्रमन्त्रीले जवाफ दिँदै

काठमाडौं । संसदमा आज परराष्ट्रमन्त्री नारायण खड्काले अमेरिकी स्टेट पाटरसिप प्रोग्राम (एसपीपी) बारे सार्वजनिक रुपमा उठेका प्रश्नहरुको जवाफ दिनेछन् ।

सरकारले गत ६ असारमा एसपीपी अघि नडढाउने निर्णय गरेको थियो । उक्त निर्णयबारे अमेरिकालाई जानकारी दिन पत्र नपठाएको भनी सरकारमाथि संसद र सार्वजनिक रुपमा प्रश्न उठ्दै आएको छ । नेकपा एमालेका सांसद भीम रावलले ४ साउनमा एसपीपीमा संलग्न नहुने निर्णय अमेरिकालाई जानकारी नगराइएको भनी ‘रोष्ट्रम कब्जा गरेका थिए । जसकारण, बैठक स्थगित भएको थियो ।

सभामुख अग्निप्रसाद सापकोटाले निरन्तर प्रश्न उठेपछि ५ साउन सरकारलाई एसपीपीबारे भएको गतिविधिबारे जानकारी गराउन रुलिङ गरेका थिए । सोही रुलिङको पालना गर्दै शुक्रबार परराष्ट्रमन्त्री खड्काले प्रतिनिधिसभामा जवाफ दिने तय भएको हो ।