चाडपर्वलाइ मध्यनजर गर्दै प्रहरीले स्थापना गर्यो यात्रु साहायता डेस्क

जिल्ला ट्राफिक प्रहरी कार्यालय गजुरी धादिङले चाडपर्वका बेला हुन सक्ने अवाञ्छित गतिविधि रोक्न गजुरीमा असोज २६ गतेदेखि “यात्रु सहायता डेस्क” स्थापना गरेको छ ।
नेपालीहरुको महान पर्व दशैं, तिहार र छठका अवसरमा राजमार्गमा चल्ने सवारी साधनहरुमा हुन सक्ने चोरी, डकैती, भाडामा अनियमिता चोरी निकासी पैठारी नियन्त्रण गर्न र अलपत्रमा परेका यात्रु र उनीहरुको सामानको सुरक्षाका लागि डेस्क स्थापना गरिएको नेपाल प्रहरीले जनाएको छ  ।
सो कार्यक्रम अन्तर्गत डेस्कले असोज ३० गते ३ वटा सवारी साधनका २५ जना यात्रुहरुको नियमित भन्दा बढी लिएको भाडा वापत ३ हजार ५ सय ५० रुपैयाँ तथा कात्तिक १ गते ६ वटा सवारी साधनबाट ५६ जना यात्रुहरुलाई ९ हजार ४ सय रुपैयाँ भाडा यात्रुहरुलाई फिर्ता गराएको नेपाल प्रहरीले जानकारी दिएको  छ ।