सर्लाही । सर्लाही क्षेत्र नम्बर ३ मा नेकपा एमालेका उम्मेदवार हरि प्रसाद उप्रेती विजयी भएका छन् । गठवन्धन पार्टी नेकपा माओवादी केन्द्रका उम्मेदवार नरेन्द्र साह कलवारलाई ७ सय ७० मतान्तरले पराजित गर्दै एमाले नेता उप्रेती विजयी भएका हुन् ।

नेता उप्रेतीले २३ हजार ९ सय ३८ मत प्राप्त गरे । त्यस्तै गठवन्धनका उम्मेदवार माओवादीका नेता साहले २३ हजार १ सय ६८ मत मात्र प्राप्त गरे । उनीहरुबीच मत गणनाको अधिकांश समय अत्यन्त कडा प्रतिस्पर्धा भएको थियो । दुबै उम्मेदवारले पालैपालो अग्रता कायम गरेका थिए ।

यस्तै तेस्रो स्थानमा रहेका स्वतन्त्र उम्मेदवार त्रिभुवन सिंहले ५ हजार ५ सय १९ मत पाए भने, राष्ट्रिय स्वतन्त्र पार्टीका उम्मेदवार पञ्च बहादुर सिंतानले ३ हजार ५ सय ६६ मत प्राप्त गरे । यस क्षेत्रमा २०७४ को निर्वाचनमा यस चुनावमा माओवादीका उम्मेदवार साहलाई पराजित गर्दै नेकपा माओवादीका रामेश्वर राय यादव विजयी भएका थिए ।