सरकारले अध्यादेश जारी गर्ने निर्णय गरेपछि कांग्रेस महामन्त्री शर्माको विरोध, भने- ‘गलत कदम’

काठमाडौं । नेपाली कांग्रेसका महामन्त्री विश्वप्रकाश शर्माले संक्रमणकालमा अध्यादेश ल्याउनु गलत भएको टिप्पणी गरेका छन् । शर्माले संक्रमणकालमा अध्यादेश ल्याउन दलहरूबीच र आफ्नै दलभित्र घनिभुत छलफलको हेक्का नराखिनु गलत भएको बताएका हुन् ।

निर्वाचन आयोग समानुपातिक सांसदको अन्तिम सूची सार्वजनिक गर्न लागेको र नवनिर्वाचित संसद्ले काम सुरु गर्न केहि समयमा बाँकी रहँदा सरकारले अध्यादेश जारी गर्ने निर्णय गरेपछि कांग्रेस महामन्त्री शर्माले ट्वीटमार्फत विरोध गरेका हुन् ।

मन्त्रिपरिषद्को आइतबार बसेको बैठकले मुद्दा फिर्ता लिन फौजदारी संहितामा संशोधन अध्यादेश जारी गर्ने निर्णय गरेको हो । शर्माले प्रधानमन्त्रीलाई मेन्सन गर्दै यो समयमा अध्यादेश जारी गर्नु कानुनी र राजनैतिक प्रश्न मात्र नभई नैतिक प्रश्नपनि जोडिएको उल्लेख गरेका छन् ।

‘सडकमा छँदा जे सत्य, संसदमा पनि त्यही नै सत्य १ त्यसैले सार्वजनिक दर्ज होस् असहमति‘१’ महामन्त्री शर्माले आइतबार राति ट्वीटमा भनेका छन्, ‘संक्रमणकालमा अध्यादेश ल्याउन दलहरूबीच र आफ्नै दलभित्र घनिभुत छलफलको हेक्का नराखिनु सम्पुर्ण रुपले गलत १ कानुनी र राजनैतिक प्रश्न मात्र होइन, २एः)लभउब)ियो प्रकरणमा नैतिक प्रश्नपनि जोडिएको छ १’

राष्ट्रिय स्वतन्त्र पार्टीले पनि अध्यादेशको विरोध गरेको छ । देउवा सरकार ल्याउने अध्यादेशबाट टीकापुर घटनाका मुख्य दोषी ठहर भएका नागरिक उन्मुक्ति पार्टीका संरक्षक रेशम चौधरी जेलबाट छुट्न सक्छन् । सिके राउत नेतृत्वको जनमत पार्टी र विप्लव नेतृत्वको नेकपाका कार्यकर्तालाई पनि जेलबाट छुटाउन कानुनी आधार बन्नेछ ।

सरकार गठनमा नागरिक उन्मुक्ति र जनमत पार्टी निर्णायक बनेपछि सरकारले उनीहरूका शर्त मान्न अध्यादेश जारी गर्ने निर्णय गरेको अर्का एक मन्त्रीले जानकारी दिए। तर, जिल्ला अदालत कैलाली र पुनरावेदन दीपायलले ०७२ सालमा भएको ‘टीकापुर घटना’ मा रेशमलाई मुख्य दोषी ठहर गर्दै जन्मकैदको सजाय सुनाएका थिए ।

टीकापुर घटनामा नेपाल प्रहरीका एसएसपी लक्ष्मण न्यौपानेसहित ८ जनाको ज्यान गएको थियो । नागरिक उन्मुक्ति पार्टीले भने टीकापुर घटनालाई ‘राजनीतिक’ भन्दै रेशमको रिहाइको ‘शर्त’ अघि सार्दै आएको छ ।

नेपाली कांग्रेस