सांसदहरूका लागि दिइएको अभिमुखीकरण कार्यक्रम आज पनि

काठमाडौँ । प्रतिनिधिसभा सदस्यहरूका लागि दिइएको अभिमुखीकरण कार्यक्रमले शुक्रबार पनि निरन्तरता पाउने भएको छ । नयाँ बानेश्वरस्थित सङ्घीय संसद् भवनमा हिजो बिहीबारबाट सुरु भएको अभिमुखीकरण कार्यक्रमले आज शुक्रबार पनि निरन्तरता पाउन लागेको हो।

प्रतिनिधिसभामा विजयी भएका सांसदहरू के कसरी बैठक र समितिको बैठकमा सहभागी हुने तथा यसका मान मर्यादाका बारेमा अग्रजहरूले जानकारी दिने तथा अनुभव साटने कार्यक्रम रहेको छ। जसअनुसार आइतबारको अभिमुखीकरण कार्यक्रममा संविधानसभाका अध्यक्ष सुवासचन्द्र नेम्वाङ, खिमलाल देवकोटालगायतले आ आफ्ना अनुभव साटेका थिए।

आज हुने बैठकमा दोस्रो सत्रको बैठकमा पूर्व अर्थमन्त्री युवराज खतिवडा, नेपाल कानुन आयोगका पूर्व अध्यक्ष माधवप्रसाद पौडेल, नीति अनुसन्धान प्रतिष्ठानका अध्यक्ष विष्णुराज उप्रेती, संसद् सचिवालयका सचिव रोजनाथ पाण्डेलगायतले सम्बोधन गर्ने कार्यक्रम रहेको छ।

संसद् सचिवालयको आयोजनामा भएको कार्यक्रममा नवनिर्वाचित सांसदहरूलाई सांसदबारे जानकारी गराइनेछ।