काठमाडौं । परराष्ट्रमन्त्री विमला राई पौडेलको जेनेभा भ्रमण रोकिएको छ । प्रधानमन्त्री पुष्पकमल दाहाल ‘प्रचण्ड’ ले उनको भ्रमण रोकेका थिए । राष्ट्रसंघीय मानवअधिकार परिषद्को ५२ औं सभामा भाग लिन नेपालको तर्फबाट भाग लिन मन्त्री राई जाने कार्याक्रम तय भएको थियो । मन्त्री राईको भ्रमण प्रधानमन्त्री प्रचण्डले रोकेपछि सत्तारुढ नेकपा ९एमाले० का नेताहरु आक्रोशित भएका छन् ।
मन्त्री राईको भ्रमण प्रधानमन्त्री प्रचण्डले रोकेको विषयमा छलफलका लागि एमालेले सचिवालय बैठक नै बोलाएको छ । एमाले महासचिव शंकर पोखरेलले पोखरेलले सामाजिक सञ्जालमा लेखेका छन्,– मन्त्रिपरिषदवाट स्विकृत परराष्ट्र मन्त्रीको भ्रमण प्रधानमन्त्रीको ठाडो आदेशमा रोकिएको सन्दर्भमा आज ११ बजे पार्टी सचिवालयको बैठक बस्दैछ।’
मन्त्रिपरिषद्बाट स्विकृत भएको मन्त्री राईको भ्रमण प्रधानमन्त्रीले बिनाकारण रोक्नुलाई एमालेले अपमानको रुपमा लिएको बताइएको छ ।
