चिसंखुगढीमा भीरबाट खस्यो बोलेरो : २ को मृत्यु, ९ जना गम्भीर
जानकारी केन्द्र
२०७९, फाल्गुन, २१
काठमाडौं । ओखलढुंगाको चिसंखुगढीमा भीरबाट बोलेरो खस्दा दुई जनाको घटनास्थलमै मृत्यु भएको छ भने ९ जना गम्भीर घाइते भएका छन् ।
चिसंखुगढी गाउँपालिका ३ चापाकोटबाट जिल्ला सदरमुकामतर्फ ११ जना यात्रु लिएर जाँदै गरेको १ ज ८४७३ नम्बरको बोलेरो आइतबार बिहान दियालेमा दुर्घटना भएको जिल्ला प्रहरी कार्यालय ओखलढुंगाले जनाएको छ ।
मृत्यु हुनेमा मिनबहादुर श्रेष्ठ र भक्त बहादुर थापा रहेका छन् । गम्भीर घाइते सबैलाई उपचारका लागि नेपाली सेनाको हेलिकोप्टरमार्फत काठमाडौं ल्याइने तयारी भइरहेको छ ।
क्षमताभन्दा बढी यात्रु बाकेका कारण उकालोमा दुर्घटना भएको हुन सक्ने प्रहरीको अनुमान छ। घाइते अधिकांशको टाउकोमा चोट लागेको बताइएको छ ।
सम्बन्धित समाचार
१२.७९ अंकले घट्यो नेप्से, ४ अर्ब ७५ करोडको कारोबार
आज देखि काठमाडौँ उपत्यकामा पशु वधवाला तथा मासु जाँच ऐन लागू
क्यूजे मोटर नेपालद्वारा पारस खड्का ब्रान्ड एम्बेसडरको रूपमा नियुक्त
नबिल बैंक नवौँ पटक बन्यो सबैभन्दा बढी कर तिर्ने बैंक
सुन र चाँदीको मूल्यमा गिरावट, सुन तोलामा १ हजार ९ सयले घट्यो
