मेष (चु, चे, चो, ला, लि, लु, ले, लो, अ)
यो महिना मेष राशि भएका व्यक्तिहरूका लागि उत्साह, ऊर्जा र नयाँ सुरुवातको समय हुनेछ । पहिले रोकिएका कामहरू पुनस् गतिमा आउनेछन् । प्रेम र पारिवारिक सम्बन्धमा आत्मीयता बढ्नेछ । कामकाजमा तपाईँको निर्णय क्षमता प्रशंसनीय बन्नेछ । जसले परिवार, साथीभाइ तथा पेशागत क्षेत्रमा सम्मान बढाउनेछ । यात्राका योग पनि राम्रो देखिन्छन्, जसले तपाईँलाई नयाँ अनुभव र प्रेरणा दिनेछ ।

वृष (इ, उ, ए, ओ, वा, वि, वु, वे, वो)
यो महिना वृषभ राशिका मानिसका लागि स्थिरता, शान्ति र भावनात्मक मजबूती ल्याउनेछ । प्रेम, दाम्पत्य जीवन र पारिवारिक सम्बन्धमा मिठास बढ्नेछ । तपाईँले आफ्नो र परिवारको भविष्यका लागि महत्वपूर्ण निर्णय लिन सक्ने समय हो । घर परिवारमा मेलमिलाप बढ्नेछ र केही पुराना कामहरू सम्पन्न हुनेछन् । आर्थिक अवस्थामा पनि सुधार देखिन सक्छ । कुल मिलाएर, आत्मविश्वास र धैर्यले तपाईँलाई सबै क्षेत्रमा सफल बनाउनेछ ।

मिथुन (का, कि, कु, घ, ङ, छ, के, को, हा)
मिथुन राशिका लागि यो महिना उतार चढावले भरिएको रहन सक्छ । सम्बन्धमा केही गलत बुझाइ वा गलत संवादका कारण तनाव देखा पर्न सक्छ । त्यसैले संवाद गर्दा धैर्य र विवेक आवश्यक हुनेछ । कार्य क्षेत्रमा जिम्मेवारी बढ्नेछ तर मानसिक थकान पनि महशुस हुन सक्छ । स्वास्थ्यमा ध्यान दिनुपर्नेछ । यद्यपि महिनाको अन्त्यतिर परिस्थिति सहज हुँदै जानेछ । धैर्य र सकारात्मक सोच अपनाए धेरै कुरा तपाईँकै पक्षमा फर्किन सक्छन् ।

कर्कट (हि, हु, हे, हो, डा, डि, डु, डे, डो)
कर्कट राशि भएकाहरूका लागि यो महिना भावनात्मक रूपमा संवेदनशील हुनेछ । परिवार र सामाजिक सम्बन्धमा केही तनाव आउन सक्छ, त्यसैले हतारमा प्रतिक्रिया दिनु राम्रो हुँदैन । साथी तथा नजिकका व्यक्तिसँग खुलेर कुरा गर्दा धेरै समस्या समाधान हुन सक्छन् । आर्थिक पक्ष स्थिर रहनेछ तर खर्च बढ्न सक्ने संकेत छन् । कार्य क्षेत्रमा पनि चुनौती आउन सक्छ, तर धैर्य र सजगता अपनाए तपाईँले आफ्नो पक्ष मजबुत बनाउन सक्नुहुन्छ ।

सिंह (मा, मि, मु, मे, मो, टा, टि, टु, टे)
यो महिना सिंह राशि भएकाहरूका लागि चमकिने समय हो । तपाईँका योजनाहरू सफलतापूर्वक अघि बढ्नेछन् । नेतृत्व क्षमतामा वृद्धि हुनेछ, जसले व्यक्तिगत तथा पेशागत सम्बन्धलाई मजबुत बनाउनेछ । नयाँ साथी वा नयाँ सम्बन्ध बन्ने सम्भावना छ । पारिवारिक वातावरण खुसीमय रहनेछ । तपाईँको आत्मविश्वास र आकर्षक व्यक्तित्वले धेरै अवसरहरू प्रदान गर्नेछ । साना यात्रा वा सामाजिक कार्यक्रममा सहभागी हुँदा नयाँ अनुभूति मिल्नेछ ।

कन्या (टो, पा, पि, पु, ष, ण, ठ, पे, पों)
कन्या राशिका लागि यो महिना स्थिरता र आत्मिक शान्तिले भरिएको हुनेछ । सम्बन्धमा विश्वास र प्रेम बढ्नेछ । पुराना विवाद वा टुङ्गो नलागेका कुरा समाधान हुनेछन् । काममा तपाईँको ध्यान केन्द्रित हुने भएकाले राम्रो उपलब्धि हासिल हुनेछ । घर परिवारमा खुसी र समृद्धिको वातावरण रहनेछ । यस महिनाले तपाईँलाई आफ्नो क्षमता, कमजोरी र इच्छाहरूलाई गहिरो रूपमा बुझ्ने अवसर पनि दिनेछ ।

तुला (रा, रि, रु, रे, रो, ता, ति, तु, ते)
यो महिना तुला राशिका लागि मिश्रित परिणाम दिनेछ । भावनात्मक रूपमा केही उतार चढाव आउन सक्छ, जसले सम्बन्धमा कमजोर क्षणहरू ल्याउन सक्छ । तर धैर्य, संवाद र समझदारी अपनाए समस्याहरू समाधान हुँदै जानेछन् । आर्थिक पक्ष सामान्य रहन सक्छ । आफन्त वा साथीहरूको सहयोगले मन हलुका हुनेछ । यो महिना आत्मविश्लेषण र भविष्यको योजना बनाउन उपयुक्त समय पनि हो ।

वृश्चिक (तो, ना, नि, नु, ने, नो, या, यि, यु)
वृश्चिक राशिका लागि यो महिना अत्यन्त फलदायी र सकारात्मक रहनेछ । व्यक्तिगत सम्बन्धमा उचाइ आउनेछ र तपाईँको संवेदनशीलता तथा गहिरो सोचाइले प्रियजनको मन जित्नेछ । पुराना लक्ष्यहरू हासिल हुने संकेत छन् । काममा प्रशंसा तथा प्रगति हुनेछ । केही नयाँ अवसरहरू पनि आउने सम्भावना छ । मानसिक रूपमा ऊर्जा बढ्नेछ, जसले तपाईँलाई नयाँ सुरुवात गर्न साहस प्रदान गर्नेछ ।

धनु (ये, यो, भा, भि, भु, धा, फा, ढा, भे)
धनु राशिका लागि यो महिना आत्म अवलोकन, संवाद र सम्बन्ध मजबुत बनाउने समय हो । तपाईँका भावनात्मक कुरा व्यक्त गर्न कठिन हुन सक्छ, तर साथी परिवारसँग खुलेर बोल्दा धेरै कुरा सहज हुनेछ । कार्य क्षेत्रमा धैर्य आवश्यक छ । आर्थिक रूपमा पनि सावधानी अपनाउनु उचित हुनेछ । महिनाको अन्त्यतिर सकारात्मकता र सहजता बढ्नेछ । कुल मिलाएर यो महिना आत्मविश्वास र परिपक्वताले धेरै कुरा सुधार्नेछ।

मकर (भो,जा,जि,जु,जे,जो,ख,खि,खु,खे,खो,गा,गि)
मकर राशिका लागि यो महिना खुशीयाली, आत्मविश्वास र सामाजिक सक्रियताले भरिएको रहनेछ । परिवार, साथीभाइ र प्रियजनसँग बिताएको समय अत्यन्त मधुर हुनेछ । नयाँ मित्रता वा नयाँ सम्बन्ध बनेर जीवनमा उत्साह थपिने संकेत छन् । काममा सफलता, अवसर र प्रशंसा प्राप्त हुनेछ । नेतृत्व क्षमतामा वृद्धि हुनेछ । मानिसहरू तपाईँसँग प्रभावित हुनेछन् । यो महिना तपाईँका लागि रौनक, सम्मान र प्रगतिको सूचक बन्नेछ ।

कुम्भ (गु, गे, गो, सा, सि, सु, से, सो, दा)
कुम्भ राशिका लागि यो महिना मानसिक रूपमा चुनौतीपूर्ण हुन सक्छ । मन अशान्त रहने सम्भावना भएकाले निर्णय गर्दा समय लिनु राम्रो हुन्छ । पारिवारिक वा प्रेम सम्बन्धमा धैर्यले संवाद गर्नु आवश्यक छ । स्वास्थ्यमा ध्यान दिनु पर्नेछ । आर्थिक रूपमा पनि खर्च बढ्न सक्छ । तर नजिकका मानिसहरूको सहयोगले महिनाको अन्त्यतिर सहजता बढ्नेछ । ध्यान, योग वा आध्यात्मिक अभ्यासले मन हलुका हुने देखिन्छ ।

मीन (दि, दु, थ, झ, ञ, दे, दो, चा, चि)
मीन राशिका लागि यो महिना भावनात्मक उतार–चढाव र जीवनमा केही अराजकता ल्याउन सक्छ । मानसिक तनाव बढ्न सक्छ, त्यसैले आत्म–संयम अपनाउन आवश्यक छ । प्रेम तथा पारिवारिक सम्बन्धमा संवेदनशीलता अपनाउनु पर्नेछ । आर्थिक लेनदेन सावधानीपूर्वक गर्नु राम्रो हुन्छ । यद्यपि, साना यात्रा वा प्रियजनसँगको संवादले मन हलुका बन्न सक्छ । यो महिना तपाईँलाई धेरै कुरा सिकाउने र भविष्यका लागि तयार हुने समय पनि हो ।