एमालेको झण्डा जलाउनेलाई कारबाही नभए रास्वपा विरुद्ध प्रतिवादमा उत्रिने नेसनल भोलिन्टियर फोर्सको चेतावनी

काठमाडौँ । दाङको तुलसीपुरमा राष्ट्रिय स्वतन्त्र पार्टीको कार्यक्रममा नेपाल कम्युनिष्ट पार्टी (एमाले)को चुनाव चिन्ह सूर्य अंकित झण्डा जलाइएको घटनाले राजनीतिक वृत्तमा तनाव बढाएको छ । उक्त कार्यक्रममा केहि कार्यकर्ताले एमाले अध्यक्ष केपी शर्मा ओली विरुद्ध नाराबाजी गरेको भिडियो सामाजिक सञ्जालमा सार्वजनिक भएपछि विवाद चुलिएको हो ।

एमाले निकट नेसनल फोर्सले विज्ञप्ति जारी गर्दै घटनामा संलग्नमाथि कारबाही नभए सशक्त प्रतिवादमा उत्रिने चेतावनी दिएको छ । संगठनले राज्यले घटनालाई गम्भीर रुपमा लिनुपर्ने माग गर्दै दोषीलाई कानुनी दायरामा ल्याउन आग्रह गरेको छ ।