काठमाडौंका १० वटै क्षेत्रमा रास्वपा अगाडि

काठमाडौं। काठमाडौंमा जारी विभिन्न निर्वाचन क्षेत्रको मतगणना काठमाडौं क्षेत्र नं १० मा राष्ट्रिय स्वतन्त्र पार्टी (रास्वपा) का उम्मेदवार प्रदीप विष्टले दुई हजार ५५१ मत प्राप्त गरेका छन्।

नेपाली कांग्रेसका हिमाल कार्कीले ५४५, नेकपा (एमाले) का विनोद श्रेष्ठले २८६ मत प्राप्त गरेका छन्। राष्ट्रिय प्रजातन्त्र पार्टीका बलराम थापाले २०४, उज्यालो नेपाल पार्टीका राकेश न्यौपानेले ७८ र नेपाली कम्युनिष्ट पार्टीका रुपा महर्जनले ५४ मत प्राप्त गरेका छन्।

निर्वाचन क्षेत्र नं ९ मा दुई हजार २४४ मतमध्ये रास्वपाका डोलप्रसाद अर्यालले चार हजार २३४, नेपाली कांग्रेसकी नानु बास्तोलाले २६१ र एमालेका अजयक्रान्ति शाक्यले १५२ मत प्राप्त गरेका छन्।

क्षेत्र नं ८ मा रास्वपाका विराजभक्त श्रेष्ठले तीन हजार २९०, कांग्रेसका सपना राजभण्डारीले ३४९, नेपाली कम्युनिष्ट पार्टीका सुमन सायमीले ३४८ मत प्राप्त गरेका छन्। राष्ट्रिय प्रजातन्त्र पार्टीका नवीन शाहीले २३६ र एमालेका राजेश शाक्यले २३१ मत प्राप्त गरेका छन्।

काठमाडौं क्षेत्र नं ७ मा रास्वपाका गणेश पराजुलीले एक हजार ४८१, एमालेका प्रकाश श्रेष्ठले ३०८, कांग्रेसका प्रमोदहरि गुरागाईँले २८२, नेपाली कम्युनिष्ट पार्टीका वसन्तप्रसाद मानन्धरले २०८ मत प्राप्त गरेका छन्।

क्षेत्र नं १ मा रास्वपाकी रन्जु न्यौपानेले तीन हजार १२९, कांग्रेसका प्रबल थापा श्रेत्रीले एक हजार ६९५, राष्ट्रिय प्रजातन्त्र पार्टीका रवीन्द्र मिश्रले ८८२ र एमालेका मोहनराज रेग्मीले २७२ मत प्राप्त गरेका छन्।

क्षेत्र नं २ मा रास्वपाका सुनिल केसीले ४२४, एमालेका मणिराम फुँयाल २३६ र कांग्रेसका कबिर शर्माले १९४ मत प्राप्त गरेका छन्।

त्यस्तै, काठमाडौं ३ मा रास्वपा राजुनाथ पाण्डेले २९६० मत पाएर अग्रस्थानमा छन् भने उज्यालो नेपालका अध्यक्ष कुलमान घिसिङले २७०६ मतले उनलाई पछ्याइरहेका छन्। त्यहाँ कांग्रेसका रमेश अर्यालले १०११ र एमालेका रामेश्वर फुयालले ६९४ मत ल्याएका छन्।

निर्वाचन आयोगले बिहान ४ः३० बजे उपलब्ध गराएको विवरणअनुसार क्षेत्र नं ४ मा रास्वपाका पुकार बमले ८६५, एमालेका राजन भट्टराईले २७४, कांग्रेसका सचिन तिमिल्सिनाले २१३ र उज्यालो नेपाल पार्टीका झनकबहादुर अधिकारीले १०० मत प्राप्त गरेका छन्।

त्यसैगरी, क्षेत्र नं ५ मा रास्वपाका सस्मित पोखरेलले एक हजार ४२४, कांग्रेसका प्रदीप पौडेलले ४१२, एमालेका ईश्वर पोखरेलले २८५ र राष्ट्रिय प्रजातन्त्र पार्टीका कमल थापाले ५५ मत प्राप्त गरेका छन् । थप विवरण आउन बाँकी छ ।