शक्तिशाली,स्टाइलिश र स्मार्ट रेडमी नोट १५ फाइभ जी नेपालमा

काठमाडौँ । विश्वप्रसिद्ध प्रविधि कम्पनी शाओमीले नयाँ स्मार्टफोन रेडमी नोट १५ ५जी नेपालमा ल्याएको छ । यो स्मार्टफोन अल्ट्रा–स्लिम डिजाइन, बलियो ब्याट्री, उच्च प्रदर्शन र प्रिमियम फिचरसहित प्रयोगकर्ताका लागि एक उत्कृष्ट स्मार्ट फोन भएको कम्पनीले जनाएको छ ।

कम्पनीका अनुसार, नोट १५ ५जी को डिजाइन र बनावटको कुरा गर्नुपर्दा तीन आकर्षक रंग ब्ल्याक, ग्लेसियर ब्लु र मिस्ट पर्पल कलरमा उपलब्ध छ । जसमा मिस्ट पर्पल कलर प्रयोगकर्तामाझ सबैभन्दा लोकप्रिय बनेको  छ । रेड्मी सिरिजकै इतिहासमा सबैभन्दा पातलो यो डिभाइसले आकर्षक लुक प्रदान गर्ने कम्पनीको दाबी छ । यसको पातलो, हल्का र आकर्षक डिजाइनले स्टाइल मात्र होइन, प्रयोग गर्न पनि एकदमै सजिलो, सहज र आनन्द आउने कम्पनीले बताएको छ ।

रेडमी नोट नोट १५ ५जी मा ५५२० मेगाहर्ज ब्याट्री रहेको बताइएको छ, जसले झण्डै २ दिनसम्म चार्ज टिकाउँछ । स्मार्ट चार्जिङ इन्जिनले ब्याट्रीको आयु लामो बनाउँछ भने ४५वाट टर्बो चार्जिङले छिट्टै फुलचार्ज हुन्छ । यसले एकै पटकमा २१ घण्टासम्म भिडियो प्ले वा १० घण्टासम्म भिडियो रेकर्डिङ गर्न सकिने कम्पनीको दाबी रहेको छ ।

कम्पनीका अनुसार,  प्रिमियम डिस्प्ले रहनुका साथै उच्च प्रदर्शन दिने यस फोनलदे ६.७७–इन्च ओ एलइडी डिस्प्ले र ३२०० निट्स ब्राइटनेसका साथ यसले घाममा पनि स्पष्ट दृश्य प्रदान गर्छ । ३८४० हर्ज पिडब्लुएम डिमिङले आँखालाई सहजता दिने बताइएको छ । स्मार्टफोन स्न्यापड्रागन ६ जेन ३ प्रोसेसर (४ एनएम आर्किटेक्चर) र २४ जिबीसम्म र्याम सपोर्टसहित उच्च गति र स्मूद प्रदर्शन सुनिश्चित गर्नेछ ।

फोटोग्राफी र मनोरञ्जनको नयाँ स्तर रहेको यस रेडमी नोट १५ ५जी मा १८० एमपी मुख्य क्यामेरा,८ एमपी अल्ट्रा–वाइड क्यामेरा, र २० एमपी फ्रन्ट क्यामेरा रहेको छ । बिल्ट–इन इमेज स्टेबलाइजेसन र एआई सक्षम फिचरले व्यवसायिक स्तरको स्पष्टता र विवरण दिनेछ । डुअल स्पिकरर्स र एआई पोट्र्रेट,डायनामिक सटहरु २.० जस्ता सुविधा प्रयोगकर्तालाई मनोरञ्जन दिन र अझ रोचक बनाउने बताइएको छ ।

यस फोनको सुरक्षा, मजबुती र दिगोपनको कुरा गर्नुपर्दा इन–स्क्रिन फिंगरप्रिन्ट र एआई फेस अनलकले पूर्ण सुरक्षा सुनिश्चित गर्छ । रेडमी नोट १५ ५जी मजबुती ड्रप र वाटर–रेसिस्टेन्स प्रमाणित छ,र वेट टच टेक्नोलाजी २.० ले भिजेको स्क्रिनमा पनि चलाउन सहज हुने कम्पनीले बताएको छ ।

यो स्मार्टफोन १२ जिबी+५१२ जिबी को रु. ४६ हजार ९ सय ९९ र ८ जिबी +२५६ जिबीको रु. ३९ हजार ९ सय ९९ मा नेपालभर खरिद गर्न सकिने कम्पनीले जनाएको छ ।