समानुपातिक सांसदमा कांग्रेसले टुंग्यायो २० जनाको नाम, १५ महिला समावेश

काठमाडौँ । नेपाली कांग्रेसले समानुपातिकतर्फका २० जना सांसदको नाम अन्तिम रुपमा तय गरेको छ । आइतबार सानेपा स्थित पार्टी केन्द्रिय कार्यलयमा बसेको कार्यसम्पादन समितिको बैठकले सूचि अनुमोदन गरेको गरेको जनाइको छ।

समानुपातिक सांसदमा ३३ प्रतिशत महिला प्रतिनिधित्व सुनिश्चित गर्दै १५ जना महिला सांसद र बाँकी ५ जना विभिन्न समावेशी समूह थारु,दलित,मधेसी,मुस्लिम र पिछडिएका क्षेत्रबाट चयन गरिएका छन् । आदिवासी जनाजाति र खसआर्य समुदायबाट समानुपातिक हिसाबले ६ ६ जना सांसद समावेश छन् ।

अन्तिम बन्दसूचीको आधारमा तयार गरिएको र निर्वाचन आयोगमा पेश भएपछि मात्र सार्वजनिक हुने बताइएको छ । साथै निर्वाचन प्रक्रिया र अनुभवको समिक्षा गर्न केन्द्रिय कार्यसमितिको बैठक केहि दिनभित्रै बोलाइने बताइएको छ ।