काठमाडौँ । नयाँ वर्षलाई आराम, नवप्रवर्तन र खुसीसाथ स्वागत गर्दै एलजीले सीजी इलेक्ट्रोनिक्स सँगको सहकार्यमा “दिस न्यू इयर,डिजाइन ड्रिम होम” नामक नयाँ वर्ष अभियान सार्वजनिक गरेको छ। यस अभियानअन्तर्गत नेपालभरका ग्राहकहरूले एलजीका नवीनतम घरेलु उपकरणहरूमा ४१ प्रतिशतसम्म छुट, निश्चित उपहार तथा आकर्षक क्यासब्याक अफरहरू प्राप्त गर्न सक्ने कम्पनीले बताएको छ।
नयाँ वर्षसँगै नयाँ लक्ष्य र आकांक्षा लिएर अघि बढिरहेका ग्राहकहरूलाई स्मार्ट र आरामदायी घर निर्माण गर्न सहयोग पुर्याउने उद्देश्यका साथ यो अभियान ल्याइएको जनाइएको छ। यस अभियानमार्फत एलजीका आधुनिक प्रविधि, आकर्षक डिजाइन र दैनिक जीवनलाई सहज बनाउने विभिन्न घरेलु उपकरणहरूलाई प्राथमिकतामा राखिएको कम्पनीको दाबी रहेको छ।
यस उत्सव अफर अन्तर्गत विभिन्न उत्पादन श्रेणीहरूमा टिभी, अडियो सिस्टम, भ्याकुम क्लिनर, सिंगल डोर र डबल डोर फ्रिज (३०८ लिटरसम्म) आकर्षक ४१ प्रतिशत क्यासब्याक अफर, फ्रन्ट लोड वासिङ मेसिनः६ केजी एरियल म्याटिक डिटर्जेन्ट निःशुल्क, टप लोड वासिङ मेसिनः २ केजी एरियल डिटर्जेन्ट निःशुल्क , ट्विन टब वासिङ मेसिनः १ केजी एरियल डिटर्जेन्ट निःशुल्क, डिसवाशरः २ प्याक वासिङ ट्याब्लेट निःशुल्क, साइड–बाइ–साइड र डबल डोर फ्रिज (३४० लिटर वा सोभन्दा माथि): मिक्सर निःशुल्क माइक्रोवेभ ओभनः कुकिङ किट निःशुल्क र एयर कन्डिसनरः निःशुल्क इन्स्टलेसन सेवाहरु आदी सुविधाहरू उपलब्ध रहेका छन् ।
यो अभियानले एलजीको नवप्रवर्तन र ग्राहककेन्द्रित सेवामार्फत दैनिक जीवनलाई सहज र गुणस्तरीय बनाउने प्रतिबद्धतालाई झल्काउनुका साथै व्यावहारिक सुविधा, विश्वसनीय गुणस्तर र आकर्षक अफरमार्फत एलजीले नेपाली परिवारहरूसँगको सम्बन्धलाई अझ मजबुत बनाउँदै आएको बताइएको छ।
सीजी इलेक्ट्रोनिक्सका एक प्रवक्ताले बताए अनुसार, यस अभियानको उद्देश्य ग्राहकहरूलाई नयाँ वर्षको सुरुवातमै आफ्नो घरलाई स्मार्ट, आधुनिक र प्रभावकारी बनाउने अवसर प्रदान गर्नुका साथै खरिदलाई अझ सहज र लाभदायी बनाउनु हो।
यो अफर सीमित समयका लागि नेपालभर रहेका एलजीका आधिकारिक सोरुम तथा खुद्रा पसलहरूमा उपलब्ध हुनेछ भने ग्राहकहरूलाई नजिकको सोरुममा गई नयाँ वर्ष अफरको लाभ लिन आग्रह गरिएको जनाइएको छ।
“डिजाइन योर ड्रीम होम” अभियानमार्फत एलजीले ग्राहकहरूलाई नयाँ वर्षको सुरुवात आराम, सुविधा र उत्कृष्ट जीवनशैलीसँग गर्न आमन्त्रण गर्नुका साथै शुन्य प्रतिशत तुरुन्तै इएमआइ सुबिधा पनि रहेको र यस अन्तर्गत केवल नागरिकता भए पुग्ने बताइएको छ ।
कम्पनीका एलजी इलेक्ट्रोनिक्स विश्वकै अग्रणी उपभोक्ता इलेक्ट्रोनिक्स तथा घरेलु उपकरण निर्माता कम्पनी हो, जसले नवप्रवर्तनयुक्त प्रविधि र प्रयोगकर्ता केन्द्रित डिजाइनमार्फत दैनिक जीवनलाई सहज बनाउँदै आएको छ। त्यस्तै गरि सीजी इलेक्ट्रोनिक्स नेपालमा एलजी उत्पादनहरूको आधिकारिक वितरक हो, जसले देशभर गुणस्तरीय उत्पादन तथा भरपर्दो बिक्रीपश्चात सेवा प्रदान गर्दै आएको कम्पनीले जनाएको छ।
