काठमाडौं । सरकारले सरकारी कर्मचारीको तलब २१ प्रतिशतले वृद्धि गर्ने घोषणा गरेको छ । शुक्रबार संघीय संसद्मा आगामी आर्थिक वर्ष २०८३/०८४ को बजेट प्रस्तुत गर्दै अर्थमन्त्री डा. स्वर्णिम वाग्लेले कर्मचारीको सेवा–सुविधा वृद्धि गरिएको जानकारी दिएका हुन् ।
उनका अनुसार कुल तलब वृद्धिमध्ये १० प्रतिशत रकम सुरु स्केलमा समायोजन गरिनेछ भने थप १० प्रतिशत रकम मासिक प्रोत्साहन भत्ताका रूपमा उपलब्ध गराइनेछ । हाल प्रदान हुँदै आएको महँगी भत्तालाई पनि निरन्तरता दिइने सरकारले जनाएको छ ।
अर्थमन्त्री वाग्लेले विगत चार वर्षदेखि कर्मचारीको तलब वृद्धि नभएको तथा यस अवधिमा १७.३ प्रतिशत महँगी बढेकाले तलब परिमार्जन आवश्यक भएको बताए ।
