मोटरसाइकलको ठक्करबाट घाइतेको उपचारको क्रममा  निधन

मोरङ । कानेपोखरी-रङ्गेली सडक खण्ड अन्तर्गत कानेपोखरी ७ वरगाछीमा मङ्गलबार बिहान भएको सडक दुर्घटनामा गम्भीर घाइते भएका ७५ वर्षीय हर्कबहादुर गजमेरको उपचारका क्रममा  मृत्यु भएको छ ।

कानेपोखरी अस्थायी प्रहरी चौकीका इन्चार्ज प्रहरी सहायक निरीक्षक कृष्ण थापाका अनुसार कानेपोखरीबाट रङ्गेली तर्फ जाँदै गरेको प्रदेश १-०२-०६०प ९८६७ नम्बरको मोटरसाइकलले मङ्गलबार बिहान कानेपोखरी ५ घलेटोलका गजमेरलाई ठक्कर दिएको थियो ।

गजमेरलाई तत्काल उद्दार गरी उपचारका लागि  विराटनगर स्थित न्युरो अस्पताल पठाइएको थियो । गजमेरको उपचारका क्रममा बुधबार बिहान मृत्यु भएको प्रहरी सहायक निरीक्षक थापाले जानकारी दिनुभयो । मोटरसाइकल चालक कानेपोखरी ५ छकमकटोलका २४ वर्षीय सुमन चौधरीलाई प्रहरीले नियन्त्रणमा लिइ आवश्यक अनुसन्धान सुरु गरेको छ ।

मोटरसाइकल चालक चौधरी र पछाडि सवार २१ वर्षीय भगत थारु सकुसल रहेका छन् ।