सोमबार ब्रत बस्दा यी ५ पेयपदार्थको गर्नुस् सेवन, तपाईलाई बनाउनेछ ऊर्जावान

एजेन्सी । अहिले पवित्र साउन महिना चलिरहेको छ । यो महिना भगवान भोलेनाथलाई अति प्रिय छ । यस महिनाको सोमबारको ब्रत धेरै महत्त्वपूर्ण छ । सोमबार ब्रत बस्दा भगवान शिव निकै प्रसन्न हुने जनविश्वास छ । ब्रतको दिन आफूलाई उर्जावान राख्नु धेरै महत्त्वपूर्ण छ । ब्रतको दिन अत्याधिक भोकबाट बच्न मानिसहरु स्वस्थकर खानेकुरा खान्छन्, जसले पोषण पनि उपलब्ध गराउँछ । आउनुहोस्, जानौं –

नरिवल पानी
मेडिकल न्यूज टुडेमा प्रकाशित समाचार अनुसार नरिवलको पानी स्वास्थ्यका लागि निकै फाइदाजनक हुन्छ । यसको प्रयोगले शरीर हाइड्रेटेड रहन्छ । उपवास बस्दा पनि यसको सेवन गर्न सकिन्छ । नरिवलको पानीमा म्याग्नेसियम, पोटासियम, क्याल्सियम जस्ता धेरै पोषक तत्वहरू पाइन्छ । यसमा धेरै एन्टिअक्सिडेन्ट पनि पाइन्छ, जसले तपाईलाई स्वस्थ र फिट राख्छ ।

अनारको जुस
अनारमा धेरै प्रकारका पोषक तत्व पाइन्छ । यसको सेवन स्वास्थ्यका लागि फाइदाजनक हुन्छ । ब्रत बस्दा अनारको जुस पिउन सकिन्छ । यसले तपाईलाई लामो समयसम्म हाइड्रेटेड राख्छ । जसका कारण धेरै तिर्खा लाग्दैन । यसका साथै पौष्टिकता पनि भरिपूर्ण हुनेछ । अनारको जुसमा भिटामिन ई, भिटामिन के, म्याग्नेसियम लगायत धेरै पोषक तत्व र एन्टिअक्सिडेन्टहरू हुन्छन् ।

लस्सी
ब्रत बस्दा परम्परागत लस्सी खान सकिन्छ । घरमै सजिलै बनाउन सकिन्छ । घरमै दहीबाट लस्सी बनाउन सकिन्छ । यो लस्सी शरीरका लागि निकै फाइदाजनक हुन्छ । यसको सेवनले लामो समयसम्म पेट भरिएको महसुस हुन्छ । जसका कारण भोक कम लाग्छ । यो पाचन प्रणाली सुधार गर्न पनि लाभदायक छ । लस्सीलाई काजू, बदाम जस्ता ड्राई फ्रुटसँग पनि प्रयोग गर्न सकिन्छ ।

फ्रुट स्मूदी
तपाईले उपवासको समयमा फ्रुट स्मूदी पनि खान सक्नुहुन्छ । उपवासमा यसको भूमिका महत्त्वपूर्ण हुन्छ । यो पिएर लामो ब्रत बस्दा आफूलाई स्वस्थ र फिट राख्न सकिन्छ । फलफूल स्मूदी एउटा मात्र फल वा विभिन्न फलहरू मिसाएर तयार गर्न सकिन्छ । यसले शरीरमा उर्जा बढाउने काम गर्छ ।

कागती हालेर बनाइएको शरबत
उपवासको समयमा कागती हालेर बनाइएको शरबत स्वास्थ्यका लागि फाइदाजनक हुन्छ । कागतीको रस पिउनाले शरीरमा ऊर्जा मात्र नभई पेटसम्बन्धी समस्या पनि हट्छ । कागतीको सिरपमा प्रशस्त मात्रामा मिनरल्स र भिटामिन पाइन्छ, जसले डिहाइड्रेसनलाई निको पार्छ ।