सर्वदलीय बैठक सुरु, सहभागी नेताहरू को-को ?

काठमाडौं । सत्तारुढ रास्वपा सभापति रवि लामिछानेले बोलाएको सर्वदलीय बैठक सुरु भएको छ । बुधबार बिहान सिंहदरबारस्थित रास्वपाको संसदीय कार्यालयमा बैठक सुरु भएको हो । सर्वदलीय बैठकमा लामिछाने, कांग्रेस सभापति गगन थापा, एमाले सचिव पद्मा भुसाल, नेकपा सहसंयोजक माधवकुमार नेपाल र वर्षमान पुन, राप्रपा संसदीय दलका नेता ज्ञानबहादुर शाही, जसपा नेता शरतसिंह भण्डारी, जनमत पार्टीका अध्यक्ष सिके राउतलगायत सहभागी छन् ।

आजको बैठकले रसुवा बाढी अध्ययन गर्न उच्चस्तरीय राजनीतिक संयन्त्र गठन गर्नेछ । अघिल्लो सर्वदलीय बैठकमा रास्वपा सभापति लामिछानेले संयन्त्र गठनको प्रस्ताव गरेका थिए । तर अहिलेसम्म गठन हुन सकेको छैन । विपदपछिको अवस्थामा सरकारको नेतृत्व गर्ने प्रधानमन्त्रीले सर्वदलीय बैठक बोलाउनुपर्ने भए पनि रास्वपा सभापति लामिछानेले बैठक बोलाइरहेका छन् ।

तर सर्वदलीय बैठकले गरेका निर्णय प्रधानमन्त्री बालेन्द्र शाह बालेनले स्वामित्व लिन्छन् लिँदैनन् भन्ने हेर्न बाँकी छ । बालेन सर्वदलीय बैठक बोलाउन र दलका नेताहरूसँग संवाद गर्न अनिच्छुक देखिएका छन् ।