एमाओवादीका नेता जनार्दन शर्मा प्रभाकरले माओवादी

एमाओवादीका नेता जनार्दन शर्मा प्रभाकरले माओवादी आन्दोलनलाई पुनर्गठन र एकताबद्ध गर्न वैचारिकसभा गर्नुपर्ने प्रस्ताव पार्टीको चालु केन्द्रीय समितिको वैठकमा गरेका छन् ।

केन्द्रीय समितिको वैठक माघ १५ गतेसम्मका लागि सरेकाले तपाईंको यो प्रस्ताव तुहिने त होइन ? भन्ने प्रश्नमा प्रभाकर भन्छन-  ‘त्यस्तो हुँदैन । वहुसंख्यक केन्द्रीय सदस्यहरु एकता र माओवादीको पुनर्गठनको पक्षमा रहेकाले केही ढिलै भए पनि कार्यान्वयन हुन्छ । तलैदेखि संयन्त्र बनाएर यसका लागि छलफल गर्दै एकता र पुनर्गठन गर्न पनि सकिन्छ ।’

प्रभाकरले आफ्नो पार्टीमा सबै माओवादीहरुका केन्द्रीय सदस्यहरुबीच वैचारिकसभा गरेर आगामी दिशा पहिल्याउनु पर्ने प्रस्ताव गरेका छन् । माओवादी अल्मलिएको बेलामा यो उत्तम विकल्प हो भन्ने धारणा राखेका छन । भन्छन-  प्रचण्ड, किरणहरुले भनेको कुरा पूर्ण सत्य होइन । आंशिक सत्यमात्र हुन । विना पूर्वाग्रह एक ठाउँमा बसेर छलफल गर्ने हो भने नयाँ निश्कर्ष निकाल्न सकिने मेरो मत हो । माओवादी एकताबद्ध हुनुपर्छ भन्ने सबै नेताहरुको चाहना हो तर त्यसका लागि कुन विधिबाट जाने भन्ने कुरामात्र हो ।

केन्द्रबाट गरिने कुरा एकातिर छँदैछ, तलैबाट यसका लागि संयन्त्र बनाएर छलफल गर्दै माहौल बनाउन पनि सकिन्छ, अझ जोड त मेरो यसमा हो, प्रभाकरको भनाइ रहेको छ ।