जेठमा लाग्ने भयो बुद्धिको ‘चङ्गा’

कमेडी जनरामा बनेको फिल्म ‘चङ्गा’कको प्रदर्शन मिति तय गरिएको छ । बुद्धि तामांग (हैट)को मुख्य भूमिका रहेको यस फिल्म वर्ष २०७५ को जेष्ठ २५ गतेबाट प्रदर्शन हुने भएको हो ।

हास्यकलाकार किशोर भण्डारी (डिठ्ठा साब)ले निर्देशन गरेको यस फिल्मलाई भण्डारीलेनै निर्माण पनि गरेका हुन् । फिल्मलाई मोफसलमा एफडी कम्पनीले वितरण गर्नेछ भने उपत्यकामा करण श्रेष्ठ रिच इन्टरटेनमेन्टले वितरण गर्ने छ । सामाजिक एवं पारिवारिक कथा बोल्ने यस फिल्ममा बुद्धिका अलावा कमलमणी नेपाल, अंकित खड्का, लक्ष्मी वर्देवा, राजन खतिवडा, जीवन भट्टराई लगायतका कलाकारहरुको अभिनय छ ।

गाउँको एक युवामा आउने एक उतार चढावलाई रमाइलोसंग प्रस्तुत गरिएको बताइएको यस फिल्मलाई निर्देशकलेनै लेखेका हुन् भने फिल्ममा प्रकु पाण्डेको कार्यकारी निर्माण र निर्मात्रिकी रुपमा रेश्मा तिमल्सिना हुन् । फिल्ममा रविन आचार्यको छायांकन, राजनराज शिवाकोटी र कमल खत्रीको संगीत रहेको छ ।