भारतीय नम्बर प्लेटको कारभित्र तीन वटा शव फेला परेपछि..

बुटवल । दाङको तुलसीपुरमा पार्किङ गरेर राखेको कारभित्र तीन वटा शव फेला परेको छ । तुलसीपुर उपमहानगरपालिका-६ स्थित बजारमा पार्किङ गरि राखेको भारतीय नम्बर प्लेटको जे ०१६६०८८५ नम्बरको कारभित्र तीन वटा शव फेला परेको हो ।

इलाका प्रहरी कार्यालय तुलसीपुरका प्रमुख डिएसपी शिबबहादुर सिंहले केही समय अघिदेखि पार्किङ गरेर राखेको गाडीभित्र शव फेला परेको जानकारी दिए । घटनाक‍ो विस्तृत अध्ययन गर्न बाँकी रहेको उनले बताए । शवहरू सड्न थालेको अवस्थामा रहेका छन् । शव हेर्दा बालकको जस्तो देखिएको छ ।