आज एकसाता लामो कांग्रेस बैठक सकिने

काठमाडौं । नेपाली कांग्रेसको केन्द्रीय समिति बैठक आज दिउँसो ३ बजे सानेपास्थित पार्टी कार्यालयमा सकिने जनाइएको छ ।

गत सोमबारदेखि सुरु बैठक आज सक्ने तयारी भएको हो । एक साता लामो बैठकमा केन्द्रीय सदस्यदेखि पदाधिकारीसम्मले आफ्नो धारणा राखेका थिए । सदस्यहरूले खासगरी स्थानीय निर्वाचनको समीक्षा, आगामी संघ र प्रदेशसभाको निर्वाचनको तयारी र सरकारका कामलगायतका विषयमा बोलेका थिए ।

यसैगरी पार्टीका विभिन्न भ्रातृ संस्थाहरूको विधानलाई एकरूपता दिने विषमया पनि छलफल भएको थियो । आइतबार बसेको पदाधिकारी बैठकले केन्द्रीय समितिको निर्णयका बारेमा गृहकार्य सम्पन्न गरेपछि आज बस्ने बैठकमा निर्णय सुनाउन लागिएको हो ।