बैतडीमा विषालु च्याउ खाँदा परिवारका ५ जना बिरामी

काठमाडौं । बैतडीको मेलौली नगरपालिका-५ मा विषालु च्याउ खाँदा एकै परिवारका ५ जना बिरामी परेका छन् ।

मंगलबार बिहान जंगलबाट टिपेर ल्याएको च्याउको तरकारी खाएपछि उनीहरु बिरामी परेका थिए । बिरामी पर्नेमा स्थानीय १४ वर्षीया सुनिता जोशी, १२ वर्षीया सविता जोशी, १० वर्षीय किरन जोशी, ८ वर्षीया सोनिया जोशी र ४ वर्षीया दिव्या जोशी छन् । निमित्त प्रमुख जनस्वास्थ्य निरीक्षक मुकेशकान्त दयालले हाल उनीहरुको केशरपुर प्राथमिक स्वास्थ्य केन्द्र मेलौलीमा उपचारत रहेको जनाए ।

उनीहरुले च्याउ खाएको केहीबेरपछि बान्ता गर्न थालेपछि तत्काल स्वास्थ्य केन्द्रमा भर्ना गरिएको थियो ।