२०२२ केटीएम आरसी २०० नेपाली बजारमा, यस्ता छन् विशेषता..

केटीएमको नेपालको आधिकारीक वितरक हंशराज हुलासचन्द एण्ड कम्पनी प्रालिले २०२२ मोडलको केटीएम आरसी २०० नेपाली बजारमा सार्वजनिक गर्दै विक्री सुरु गराएको छ । कम्पनीको लामो यात्रा र राइडिङको मजा लिन आरसी २०० एक उपयुक्त मोटरबाइक रहेको जनाएको छ ।

२०२२ आरसी २०० को ग्राफिकमा परिर्वतन छ । तर, इन्जिन र पावरट्रेन भने पुरानै छ । नयाँ आरसी २०० मा एडजस्टेवल ह्यान्डलबार, ट्वीन पड प्रोजेक्टर हेडल्याम्प, नयाँ एलसीडी क्लष्टर, नयाँ डिजाइन एलइडी हेडल्याम्प तथा वीन सिल्ड आएको छ । सो बाइकको ह्यान्डल बारलाई राइडरले आफू अनुकुल एड्जस्ट गर्न सकिनेछ ।

बाइकमा फुल डिजिटल इन्स्ट्रुमेन्ट क्लस्टर रहेको छ । त्यस्तै, चालकको सुरक्षाको लागि बाइकमा नयाँ एयरबक्स, नयाँ स्टिफर, हलुका स्प्लिट स्टिल फ्रेम, नयाँ कर्भड रेडियटर र लेजर टेक्स्चर सहितको विन्डस्क्रिन जस्ता विशेषता थपिएको छ । यसमा सुपरमोटो एबिएस समेत थप गरिएको छ ।

इन्जिनमा भने कुनै परिर्वत गरेको छैन । २ सय सिसी क्षमताको लिक्वड कुल्ड सिंगल सिलिन्डर इन्जिन भएको सो बाइकले जुन १० हजार आरपीएममा २५ पीएस तथा ८ हजार आरपीएममा १९.२ एनएम टर्क जेनेरेट गर्छ । यसमा केटीएम २०० ड्युकमा प्रयोग भएको इन्जिन रहेको छ । यस बाइकमा ६ स्पीडको गियर बक्स रहेको छ । फ्रन्टमा २८० एमएम र पछाडि २४० एमएमको डिस्क ब्रेक रहेको छ । यसैगरी यसको फ्रन्टमा अपसाईड डाउन फ्रक र रियरमा मोनोसक छ ।

केटीएमको आरसी २०० को वजन १६० केजी रहेको छ । त्यस्तै, लम्बाई १९७८ एमएम, चौडाई ६८८ एमएम, उचाई १०९८ एमएम, ग्राउण्ड क्लियरेन्स १५६ एमएम र १३४० एमएमको ह्वीलवेस रहेको छ । यसैगरी, आरसी २०० को नयाँ भर्सनमा १३.७ लिटर क्षमताको फ्युल ट्यांक जडान गरिएको छ । कम्पनीले बाइकले ३५ किलोमिटर प्रतिलिटरको माइलेज र टप स्पिड १४२ किलोमिटर प्रतिघन्टा रहेको दाबी गरेको छ ।

नेपाली बजारमा २०२२ केटीएम आरसी २०० को मूल्य ६ लाख ७४ हजार ९०० रुपैयाँ निर्धारण गरिएको छ । यसअघि विक्री भइरहेको आरसी २०० को मूल्य भने ६ लाख ५९ हजार ९०० रुपैयाँ थियो । उक्त बाइकले बजारमा यामाहा आर-१५ भी ४ तथा आर १५ एमसँग प्रतिस्पर्धा गर्ने जनाइएको छ ।