मोरङमा ३६ किलो गाँजासहित युवा पक्राउ

काठमाडौं । प्रहरीले मङ्गलबार विहान मोरङको सीमावर्ती क्षेत्र जहदा गाउँपालिका-२ हरिनगराबाट ३६ किलो गाँजासहित एक जनालाई पक्राउ गरेको छ ।

जिल्ला प्रहरी कार्यालय मोरङका प्रहरी नायव उपरीक्षक दीपक श्रेष्ठले जहदा-२ का २५ वर्षीय मुकेश गुरुङले नेपालबाट भारतको जोगवनीतर्फ लैजादै गरेको अवस्थामा पक्राउ गरेको बताए । भारततिर ३ जनाले बोकेर लाने क्रममा प्रहरीसँग जम्काभेट भएपछि अन्य दुई फरार भएको प्रहरीले बताए ।

पक्राउ परेका गुरुङलाई र अनुसन्धानका लागि इलाका प्रहरी कार्यालय रानीमा राखिएको छ । प्रहरीले गुरुङलाई लागुऔषध ऐनअन्तर्गतको मुद्दा लगाउने तयारी गरेको जनाएको छ ।