प्रकाशको निवासमा विश्वप्रकाश

काठमाडौं । नेपाली कांग्रेसका महामन्त्री विश्वप्रकाश शर्मा र नेता प्रकाशमान सिंहबीच चुनाव जितेकोमा बधाई साटासाट भएको छ ।

नेता सिंहको निवासमा महामन्त्री शर्मा हिजो पुगेका हुन् । सो भेटवार्तामा दुई नेताबीच चुनाव जितेकोमा बधाई साटासाटको साथै अब कसरी अघि बढ्ने भन्नेबारे छलफल भएको छ ।

शर्माले संसदीय दलको नेतामा अर्का महामन्त्री गगनकुमार थापालाई सहयोग गर्ने घोषणा गरिसकेका छन् ।

उनले अब पार्टी युवा पुस्ताले हाँक्ने भन्दै दलको नेतामा थापालाई नै सघाउने घोषणा गरेका हुन् ।

उनी थापाको पक्षमा माहोल बनाउन सक्रिय छन् । १४औं महाधिवेशनमा शर्मा सिंहको प्यानलबाट महामन्त्रीमा उठेका थिए ।

सिंहले भने सभापतिको दोस्रो चरणको निर्वाचनमा शेरबहादुर देउवालाई सघाएका थिए ।