उपसभामुखबारे छलफल गर्न धुम्बाराहीमा कांग्रेस पदाधिकारी बैठक

काठमाडौं । नेपाली कांग्रेसले उपसभामुखबारे छलफल गर्न कांग्रेस पदाधिकारी बैठक सभापति शेरबहादुर देउवा निवास धुम्बाराहीमा बसिरहेको छ।

बैठक बिहान १० बजेदेखि बसिरहेको पदाधिकारीहरुले जनाएका छन्।

उपसभामुख निर्वाचनको कार्यतालिकाअनुसार आज उम्मेद्‍वारी मनोनयन गर्ने समयसीमा रहेको हुँदा कसलाई उम्मेद्‍वार बनाउने निर्णय गर्न पार्टी पदाधिकारीहरुको बैठक बसिरहेको हो।

सत्ता गठबन्धनबाट उपसभामुखमा राष्ट्रिय स्वतन्त्र पार्टीबाट इन्दिरा राना मगरले उम्मेद्‍वारी दिदैंछिन्।

हिजो भएको सभामुख निर्वाचनमा सत्ता गठबन्धनबाट एमालेका देवराज घिमिरे कांग्रेसकी ईश्वरी न्यौपानेलाई पराजित गर्दै सभामुखमा निर्वाचित भएका थिए।

उपसभामुखको निर्वाचन भोलि हुँदैछ।