काठमाडौं । ओखलढुंगाको चिसंखुगढीमा भीरबाट बोलेरो खस्दा दुई जनाको घटनास्थलमै मृत्यु भएको छ भने ९ जना गम्भीर घाइते भएका छन् ।
चिसंखुगढी गाउँपालिका ३ चापाकोटबाट जिल्ला सदरमुकामतर्फ ११ जना यात्रु लिएर जाँदै गरेको १ ज ८४७३ नम्बरको बोलेरो आइतबार बिहान दियालेमा दुर्घटना भएको जिल्ला प्रहरी कार्यालय ओखलढुंगाले जनाएको छ ।
मृत्यु हुनेमा मिनबहादुर श्रेष्ठ र भक्त बहादुर थापा रहेका छन् । गम्भीर घाइते सबैलाई उपचारका लागि नेपाली सेनाको हेलिकोप्टरमार्फत काठमाडौं ल्याइने तयारी भइरहेको छ ।
क्षमताभन्दा बढी यात्रु बाकेका कारण उकालोमा दुर्घटना भएको हुन सक्ने प्रहरीको अनुमान छ। घाइते अधिकांशको टाउकोमा चोट लागेको बताइएको छ ।
