काठमाडौँ । नवनिर्वाचित राष्ट्रपति रामचन्द्र पौडेलले सोमबार पद तथा गोपनीयताको शपथ ग्रहण गरेका छन् । उनलाई राष्ट्रपति भवन शीतलनिवासमा कामु प्रधानन्यायाधीश हरिकृष्ण कार्कीले शपथ ग्रहण गराएका हुन्। सोही अवसरमा नेपाली सेनाको टुकडीले राष्ट्रपति पौडेललाई २१ तोपको सलामी पनि अर्पण गरेको छ।
राष्ट्रपति पौडेल फागुन २५ गते मुलुकको नयाँ राष्ट्रपतिमा निर्वाचित भएका थिए। उनले सांसद पदबाट राजीनामा पनि दिइसकेका छन्।
