कांग्रेस सहमहामन्त्री यादवमाथि खुकुरी प्रहार गर्ने सापकोटालाई ५ दिन हिरासतमा राख्न अदालतको अनुमति

काठमाडौं । नेपाली कांग्रेसका सहमहामन्त्री तथा पूर्व खानेपानीमन्त्री महेन्द्र यादवमाथि खुकुरी प्रहार गर्ने नुवाकोटका श्यामबाबु सापकोटालाई ५ दिन हिरासतमा राखेर अनुसन्धान गर्न अदालतले अनुमति दिएको छ ।

बिहीबार काठमाडौं जिल्ला अदालतले सापकोटालाई ५ दिन हिरासतमा राखेर अनुसन्धान गर्न अनुमति दिएको हो ।

सापकोटाले गत बुधबार काठमाडौंको भृकुटीमण्डस्थित रिपोर्टर्स नेपालमा आयोजित कार्यक्रमबाट बाहिरिने क्रममा कांग्रेस सहमहामन्त्री यादवलाई खुकुरी प्रहार गरेका थिए ।

खुकुरी प्रहारबाट सख्त घाइते भएका यादवको हाल वीर अस्पतालमा उपचार भइरहेको छ । उनको अवस्था सुधारोन्मुख रहेको छ ।