अमेरिका पुग्दा सुट-पाईन्टमा देखिएका प्रचण्ड दौरासुरुवालमा चीन ओर्लिए

काठमाडौं । प्रधानमन्त्री पुष्पकमल दाहाल ‘प्रचण्ड’ चीनको हाङजाओ पुगेका छन् । संयुक्त राष्ट्रसंघको महासभामा भाग लिन अमेरिका पुगेका प्रचण्ड उतैबाट छिमेकी राष्ट्र चीनको औपचारिक भ्रमणमा गएका हुन् ।

प्रधानमन्त्री प्रचण्ड आज हाङजाओमा हुने १९औं एशियाली खेलकुदको उद्घाटन समारोहमा सहभागी हुने छन् । प्रचण्डले चीनिया राष्ट्रपति सी जिनपिङसँग आजनै भेटवार्ता गर्ने बताइएको छ ।

अमेरिकाबाटै मित्र राष्ट्र चीनको भ्रमणमा गएका प्रचण्डले लगाएको पोषाकको कारण चर्चामा आएका छन् । अमेरिका प्रस्थान हुनेक्रममा दौरासुरुवालमा रहेका प्रचण्ड अमेरिकामा ओर्लने क्रममा सुट पाईन्टमा देखिएका थिए ।

दौरासुरुवालमा अमेरिका प्रस्थान गरेका प्रधानमन्त्री सुट–पाईन्टमा अमेरिका ओर्लिएपछि पहिचानको पक्षधर भएर पनि अमेरिका उत्रिदा नेपालीको पहिचान दौरासुरुवाल लगाउन हिचकिचाएको भन्दै उनको व्यापक आलोचना भएको थियो । त्यस्तै, आज चीनको हाङजाओमा प्रधानमन्त्री प्रचण्ड दौरासुरुवालमा देखिएका छन् ।