सर्वोच्चका नवनियुक्त न्यायाधीशहरुको शपथ आज

काठमाडौं । सर्वोच्च अदालतका नवनियुक्त छ जना न्यायाधीशहरुले आज पद तथा गोपनीयताको शपथ लिने भएका छन् । आज (बिहीबार) दिउँसो ३ बजे शीतल निवासमा नवनियुक्त न्यायाधीशहरुको शपथ ग्रहण कार्यक्रम रहेको छ ।

संसदीय सुनुवाइ समितिबाट सर्वसम्मत अनुमोदन भएका सारङ्गा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुङ्गाना, सुनिल पोखरेल र बालकृष्ण ढकाललाई राष्ट्रपति रामचन्द्र पौडेलले हिजो (बुधबार) सर्वोच्चको न्यायाधीशमा नियुक्त गरेका थिए ।

राष्ट्रपति पौडेलले पद तथा गोपनीयताको शपथ गराएपछि नवनियुक्त न्यायाधीशहरुले सर्वोच्चमा गएर आफ्नो कार्यभार सम्हाल्ने छन् ।