काठमाडौं । अहिले साउनको पवित्र महिना चलिरहेको छ र यस पवित्र महिनामा धेरै ठूला व्रत र चाडपर्वहरू मनाइन्छ जुन आफैंमा विशेष छन् । नागपञ्चमी पर्व प्रत्येक वर्ष साउन शुक्ल पक्षको पञ्चमीका दिन मनाइन्छ ।

धार्मिक मान्यता अनुसार नागपञ्चमी पर्वमा नाग देवताको पूजा गर्ने गरिन्छ । यस पर्वको दिन भगवान भोलेनाथसँगै नाग देवताको पनि पूजा आराधना गरिन्छ । नाग देवताको पूजा गर्ने विधि महाभारत, नारद पुराण र स्कन्द पुराणमा उल्लेख गरिएको छ ।

नागपञ्चमीको शुभ अवसरमा मानिसहरुले अनेक प्रकारका उपायहरु पनि गर्ने गर्दछन् । यदि तपाई पनि आफ्नो आर्थिक अवस्थाबाट चिन्तित हुनुहुन्छ र परिवारका सबैको उन्नति होस् भन्ने चाहनुहुन्छ भने नागपञ्चमीको दिन यी उपाय अपनाउनुपर्छ ।

यस वर्ष नागपञ्चमी पर्व साउन १३ गते परेको छ । धार्मिक मान्यता अनुसार यस दिन नाग देवताको पूजा गरिन्छ । साथै नागपञ्चमीको शुभ अवसरमा धन वृद्धिका लागि केही उपाय गर्नाले तपाईको आर्थिक अवस्था मजबुत हुन्छ र परिवारमा सबैको उन्नति हुन्छ ।

नागपञ्चमीको दिन पूजा गरेपछि रातो कपडामा ५ वटा सुपारी बाँधेर तिजोरीमा राख्नुपर्छ । यसो गर्नाले घरको आर्थिक समस्या हटेर देवी लक्ष्मी तपाईको तिजोरी तर्फ खिचिन्छिन् । यति मात्र होइन, यसो गर्नाले रोकिएको काम पनि बिना अवरोध पूरा हुने बताइन्छ । नागपञ्चमीको दिन राखिएको सुपारी अर्को वर्षको नागपञ्चमीमा फेर्नुपर्छ ।

नागपञ्चमीको दिन दक्षिणावर्ती शंखको पूजा गर्नुपर्छ । दक्षिणावर्ती शंखको पूजा गरेपछि यो शंखलाई तिजोरीमा वा आफ्नो धन राख्ने स्थानमा राख्नुहोस् । शंखको पूजा गर्नाले घरमा सुख समृद्धि बढ्छ भन्ने विश्वास गरिन्छ । नागपञ्चमीको दिन यो शंखको उपाय गर्नाले तपाईको जीवनका सबै कष्टहरु हट्नेछ ।

नागपञ्चमीको दिन चाँदीको सिक्काको उपाय गर्नु पनि विशेष मानिन्छ । यस दिन चाँदीको सिक्कालाई रातो धागोले बाँधेर तिजोरीमा राख्नुपर्छ । यसो गर्नाले धन सम्बन्धी सबै समस्या हट्छ ।