२०८२ साल कार्तिक ०४ गते मंगलबार यस्तो रहेको छ तपाईको भाग्य, हेर्नुहोस् राशिफल

मेष राशि–
अचानक धन लाभ हुने योग छ । नयाँ आयस्रोत बन्न सक्छन् । लामो यात्राको सम्भावना देखिन्छ । साथी तथा परिवारबाट सुख, सहयोग र शान्ति प्राप्त हुनेछ ।

वृष राशि–
नसोचेको स्थानमा खर्च बढ्ने सम्भावना छ । व्यर्थका खर्चहरूले मन पिरोल्न सक्छ । आर्थिक योजना सावधानीपूर्वक बनाउनुहोस्, अनावश्यक खर्चबाट बच्नुपर्ने समय हो ।

मिथुन राशि–
आफन्तजन वा प्रिय व्यक्तिसँगको भेटघाटले मन प्रफुल्ल रहनेछ । पारिवारिक वातावरण सुखद हुनेछ । सम्बन्धमा नजिकापन बढ्नेछ र मनमा सकारात्मक ऊर्जा प्रवाह हुनेछ ।

कर्कट राशि–
आर्थिक लाभ हुने योग छ । बचत बढ्ने सम्भावना प्रवल छ । नयाँ कामका योजनाहरू बन्नेछन्, ती योजनाहरूले भविष्यमा फाइदा दिलाउनेछन्।

सिंह राशि–
मनोरञ्जनात्मक तरिकाबाट काम बन्ने सम्भावना छ । रमाइलो गतिविधिबाट फाइदा हुनेछ । पशुधन, जमिन वा सम्पत्तिबाट लाभ मिल्नेछ । नयाँ योजनाहरू सुरु गर्न अनुकूल समय हो ।

कन्या राशि–
वादविवाद र अनावश्यक तर्क(वितर्कको सामना गर्नु पर्न सक्छ । आगो र मेसिनरी सामग्रीसँग सावधानी अपनाउनुहोस् । आजका योजना पूर्ण रूपमा कार्यान्वयन नहुन सक्छन्, धैर्य आवश्यक छ ।

तुला राशि–
कार्य क्षेत्रमा केही डर या तनाव हुन सक्छ । तथापि, मान सम्मान प्राप्त हुनेछ । स्वास्थ्य अवस्था सामान्य रहला । आर्थिक पक्षबाट भने लाभदायी दिन हुनेछ ।

वृश्चिक राशि–
आजको दिन रमाइलो र प्रसन्नतापूर्ण रहनेछ । कामबाट सजिलै फुर्सद पाइनेछ । मनोरञ्जनका अवसरहरू बढ्नेछन् र मनमा उत्साह छाउनेछ ।

धनु राशि–
अप्रत्याशित लाभ हुने योग छ । व्यवसायमा लगानी बढाउन सकिनेछ । काममा आत्मविश्वास र ऊर्जा बढ्नेछ । वैदेशिक सम्बन्ध वा कामकाजमा पनि फाइदा पुग्नेछ ।

मकर राशि–
अनावश्यक झमेलामा पर्न सकिने सम्भावना छ, त्यसैले सावधानी अपनाउनुहोस् । साना हानि वा असहजता हुन सक्छ । शत्रु वा विरोधी सक्रिय हुन सक्छन्, सतर्क रहनुहोस् । स्वास्थ्यप्रति विशेष ध्यान दिनुहोस् ।

कुम्भ राशि–
धन आर्जनका दृष्टिले राम्रो दिन हो । अन्न वा कृषि सम्बन्धी कार्यमा लाभ हुनेछ । अरूको सहयोग र समर्थन पाउने समय हो । आत्मबल र आत्मविश्वास बढ्नेछ ।

मीन राशि–
राम्रो कमाइका कारण मन प्रशन्न रहनेछ । आर्थिक क्षेत्रमा प्रगति र उन्नति हुनेछ । नसोचेको स्थान वा स्रोतबाट धन लाभ भई खुशी बढ्नेछ । पारिवारिक वातावरण पनि सकारात्मक रहनेछ ।

-ज्यो.पं. तुलसी भारद्वाज