काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले प्रतिनिधिसभा निर्वाचनसँग सम्बन्धित आप्नो खर्च विवरण निर्वाचन आयोगमा बुझाएका छन् । निर्वाचनमा सहभाागी उम्मेदवारहरुले अनिवार्य रुपमा पेश गर्नुपर्ने प्रावधानअनुसार उनले आयोगमा विवरण दर्ता गराएका हुन् ।
शाहले बुझाएको विवरणअनुसार निर्वाचन अभियाानका क्रममा कुल १४ लाख १७ हजार २८९ रुपैँया खर्च भएको उल्लेख गरिएको छ । खर्चमध्ये सवारी साधन भाडा तथा इन्धनका लागि मात्र करिब २ लाख ९३ हजार ८ सय रुपैँया खर्च गरिएको उनले जानकारी दिएका छन् । उक्त रकम १२ दिनका लागि दुईवटा सवारीसाधन प्रयोग गर्दा भएको खर्च रहेको विवरण उल्लेख छ ।
